Te fafau nei au i te Metua i te Ao ra

Hiroko Fukuda, Tochigi, Japan

E toru matahiti to Yukari, e opere te fare haapiiraa tamahou i te taofe û na te tamarii. No te mea ho‘i ua haapii te metua vahine o Yukari ia’na i te Parau Paari, eita ïa o Yukari e inu i te taofe û. E faaî râ oia i ta’na au‘a i te pape e a inu ai i te reira.

I te hoê mahana ua parau atura o Yukari i to’na metua vahine e, « Te hinaaro nei au e inu i te taofe û mai te tahi atu mau taata ». Ua parahi to’na metua vahine i piha‘i iho ia’na e ua tauturu ia’na ia ite e, ua here te Metua i te Ao ra ia’na, e aita Oia e hinaaro ia inu oia i te taofe, e e faaueraa ïa te reira. Mai taua mahana ra, ua papû roa ia Yukari e, eita oia e hinaaro faahou e inu i te taofe. Ua hau i te hoê matahiti i ma‘iri.

I te hoê mahana aita te orometua haapii o Yukari i tae mai, ua mono mai te tahi atu orometua i roto i te piha haapiiraa. Mai tei matarohia, ua inu o Yukari i te pape. Ua ite a‘era te orometua haapii i te reira e ua ui atura e, « Eaha oe e inu ai i te pape ? » Ua faaite atura o Yukari e, te haere nei oia i te pureraa e ua fafau oia i te Metua i te Ao ra e, eita oia e inu i te taofe. Ua maere roa te orometua haapii. Mai taua taime maira, ua faaea te haapiiraa tama i te horo‘a i te taofe û e ua horo‘a i te tahi atu mau inu.