O SE PAKETE E TUMU I LE ALOFA
Ina ua mavae si faalavelave itiiti, na tatau ona ou faaaoga se tootoo, ma ua telegese foi lau savali. E faigata tele ala faasitepu ia te au. I le lotu ou te popole lava ina nei ou pau mai faasitepu—seia oo i lena Aso Sa ina ua ou faalogo i se leo malu, ma le pai mai o se lima laitiiti ma uu atu lou lima: “Sau. O le a ta o.”
Na ou tepa ifo i lalo ma vaaia Kapelio e iva tausaga ma ona foliga ataata.
“Ua lelei!” sa ou fai atu ai. “Amata mai nei, o oe lo’u fesoasoani. Ta o loa!”
E leai se isi na auina mai Kapelio. Na ona ia vaaia lava o se tina matua e manaomia se fesoasoani, ma sau loa lava.
O le taimi nei i Aso Sa taitasi, ma te o faatasi ai ma Kapelio agai i lalo i sitepu e aunoa ma se toe popole.
Sa ou faamatalaina mulimuli i matua o Kapelio, “E le o le malosi faaletino ua ala ai ona ou le fefe. O le pakete tumu i le alofa na te aumaia ia te au i Aso Sa taitasi. O Kapelio, o se sauai o le agalelei!”