Mukenji wa ku Ngondu wa Bua Dikankamika dia Bansonga, Ngondu wa Dikumi 2026

Ngenyi bua Bibilu bia Bansonga

Enzela Ngumvuilu Yeba Itanu

Kipatshila

Longa bua kuanyisha mibidi mishema idi Nzambi mutupesha ku dienzela ngumvuilu yetu itanu bua kunaya dinaya dia dijandula.

Bintu Bidi Bijingibua

• Tshilamba tshia kubuikila ku mesu

• Dibeji ne ka disosu munkatshi

• Bintu bua bansonga bajandula. Sungula bintu bidi ne ngikadilu, muenya, mupuya, bia pabuabi, ne bikuabu, bu mudi bizubu bia bimuma, bizubu bia mitshi, biakudia bilamba, bilengejelu bia biseki, misa, biseba bia nyama, ne buerre. Ikala ne meji a difuka!

Maludiki

• Suika muntu umua tshilamba pa mesu ne teka tshintu kumpala kuenda.

• Muntu udi musuikibua tshilamba pa mesu udi ubuka tshintu atshi, mu dienzela ngikadilu itanu musangu umua. Tshilejilu, muntu udi mua kuikala muanyishibua bua kuambula tshintu, kutshinyungisha, kutshinunkila, kutshilabula, ne bikuabu.

• Bua kumbusha ngikadilu wa dimona, umbusha tshilamba tshidi ku mesu kua muntu ne mupesha dibeji ne ka disosu munkatshi. Enza bua atangidila tshintu pa ka disosu kadi munkatshi.

• Ela meji bua kutapulula bantu mu tusumbu ne enza bua tshibilu etshi tshilua bua dinaya dia ditshimuna. Udi mua kufila points bua bintu bidi bijandula biakana, pa kutangila lutatu.

Tuakula Pa Bualu Ebu

Ambilanganayi disakidila dinudi nadi bua mibidi mishema yetu. Akulayi pa mushindu udi mibidi inuambuluisha bua kumanya dinanga dia Nzambi.

Buatshinyi bidi ne mushindu kuwudi bua kumanya ne udi mu tshimfuanyi tshia Nzambi? (tangila Genese 1:27).

Nudi kabidi mua kuakula pa dituangana pankatshi pa mibidi ne nyuma bietu (tangila Dilongesha ne Bipungidi 88:15). Mushindu kayi utudi mua kuenzela mibidi yetu bua kutuambuluisha tupeta ditalala mu bikondu bia dibungama? Yukilayi pa mishindu ya ditalala bu mudi dibala mifundu, diteleja misambu ya tshijila, diyukila ne mulunda, diendakama pambelu, mishindu ya kueyela, disambila, ne dibutamina.

Biambuluishi bidi Bipetangana

• Diambuluisha dia Moyo, “Mental Health,” Tshisangi tshia Mikanda ya Lumu Luimpa

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2026. Tshiluba. 20068 760