Mukenji wa ku Ngondu wa Bua Dikankamika dia Bansonga, Ngondu wa Dikumi 2026

Lungenyi bua Tshibilu tshia Bansonga

Dinaya dia Balambi bua Bukola bua Mubidi

Kipatshila

Tshionkomokayi ne ibakayi bobumua patudi tuenza dinanya dia kulamba bua kuleja Nzambi ne tudi tusanka ne dipa dia mibidi yetu.

Bintu Bidi Bijingibua

• Bia kuela mu biseki bua biseki bipepela, bua makanda a mubidi anyi nteta. Udi mua kubikeba bua bikala pabuipi diambedi, biobi mua kuenzeka, yaku ne bansonga ku tshisalu tshia pabuipi bua kusumba bia kuela mu biseki. Bapesha bungi bua makuta adi akumbana, ne balongesha mushindu wa kuenza bua ne banemeka diâtula.

Maludiki

• Lekela bana basungula tshia kulamba ne bia kuela mu biseki bikalabu nabi dijinga (pawikala ne bansonga ba bungi, udi mua kubabanya mu bisumbu bua ne muntu yonsu ikala ne diesa dia kubuela).

• Fila midimu, bu mudi mulami wa makuta, mubadi wa tshia kulamba, mulombodi wa bukola bua mubidi, musangishi wa bia kuela mu biseki, ne mumanyi mupiluka wa disukula.

• Yukilanganayi pa bilejilu, bunena, mushinga, bidishi bia mubidi, ne diepuka tshitulatula tshia mukuta. Balombodi badi baludika muyuki ne batuishibua bua bukubi kadi bapesha bansonga tshipolu tshia kuangata mapangadika.

• Panyima pa biakudia bilambibua, bisumbu bidi bilabulangana bifuadi. Tshidimba tshia Tshikongu tshidi mua kuikala tshibikidibua bua kusungula biakudia anyi nteta bidi bimpa ne kufila kado. Mu mushindu mukuabu, bansonga badi mua kufila biakudia kudi bantu badi mu dijinga.

Tuakula bua bualu ebu

Bala Dilongesha ne Bipungidi 89:18–21. Mabenesha kayi a ku â awudi musua mu moyo weba?

Mushindu kayi uvua bulelela ne mubidi wetu udi wa tshijila bulenga masungula atuvua benza patuvua tulamba biakudia?

Mushindu kayi udi didilongolola bua kulamba biakudia anyi nteta bifuanangana ku didilongolola dia mu Nyuma?

Mushindu kayi udi dibikila Yezu Kilisto mu masungula a matuku onsu (bu mudi bitudi tudia ne mushindu utudi tutabelela mibidi yetu) mua kutuambuluisha bua kulua bu Yeya?

Biambuluishi bidi Bipetangana

• 1 Kolinto 6:19–20: Mubidi weba udi ntempelo wa Nyuma wa Tshijila

• Video: “Cooking Competition Goal Setting,” AfricaWest.ChurchofJesusChrist.org

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2026. Tshiluba. 20068 760