Mukenji wa ku Ngondu wa Bua Dikankamika dia Bansonga, Ngondu wa Dikumi 2026

Dialumingu Dia Ndekelu: Bansongakaji

4. Kulua muana wa bakaji wa Tshipungidi wa Nzambi

Dîku Ditangila ku Bunkenka, kudi Lovetta Reyes-Cairo, tshimfuanyi tshia dinanga tshia Havenlight

Longayi pamua

Ndi muana wa bakaji munangibua wa baledi ba mu diûlu, ne ngikadilu wa bunzambi ne kipatshila ka tshiendelela. Didipuekesha ne buimpa ne bimpesha bukola bua kusomba ne kanema ne lutulu buanyi nkayanyi, bua bakuabu, ne bua Nzambi.

“Enda mu njila ya buimpa kumpala kuanyi. … Tungunuka mu nyuma wa didipuekesha, ne benga diditambisha.”

Dilongesha ne Bipungidi 25:2, 14.

Misangu mikuabu tudi tuela mei ne buimpa budi bumvuija bunonoka, kadi budi bumvuija bia bungi kupita etshi. Miaku kayi mikuabu buabuimpa iwudi upeta mu Buludiki ku Mifundu, “Virtue”? Ela meji bua dishintulula “buimpa” ne umua wa ku miaku eyi mu Dilongesha ne Bupungidi 25:2. Etshi tshidi tshikulongesha tshinyi?

Longa pa mukaji wa buimpa,

“Nganyi udi mua kupeta mukaji wa buneme?” | Nsumuinu 31:10–31

Dilonga dia Eva mu Budimi, kudi Regan Reichert

Mukaji wa Buimpa

“Nganyi udi mua kupeta mukaji wa buneme?”

Pawudi ubala Nsumuinu 31:10–31, sungula diumvuija dieba diwudi musua dia “mukaji wa buneme.” Buatshinyi udi musua diumvuija adi?

Mu weba muenenu, buatshinyi buimpa budi bushema kutamba mabue a bilenga mushinga mukole (tangila kanungu 10)? Buatshinyi bidi bishema kuwudi?

Funda miaku ya bienzedi mu Nsumuinu 31:10–31. Tshinyi tshiwudi ulonga pa dikala mukaji wa buimpa?

Ikala ne nsombelu wa muyidi wa Kilisto

Pawuvua mulonga buludiki bua FSY ngondu ewu, tshinyi tshiwudi mulonga pa mushindu udi Mupandishi mua kukuambuluisha bua ulama mubidi weba wa tshijila?

Mushindu kayi udi etshi tshikuambuluisha bua kukumbaja mudimu Wenda?

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2026. Tshiluba. 20068 760