Mukenji wa ku Ngondu wa Bua Dikankamika dia Bansonga, Ngondu wa Dikumi 2026

Dialumingu Dibidi

2. Longa bia bungi pa Dîyi dia Lungenyi

Dîku Ditangila ku Bukenka, kudi Lovetta Reyes-Cairo, tshimfuanyi tshia disanka tshia Havenlight

Dîyi dia Lungenyi didi dibuluila divua Mukalenga mupesha Muprofete Joseph Smith mu 1833. Didi diandika mu Dilongesha ne Bipungidi 89. Dîyi dia Lungenyi didi buludiki bua Mukalenga bua kukuambuluisha bua utabelela mubidi ne meji bieba. Didi dilongesha bintu kayi bidi bueba ne bia kuepuka bua ne udiumvua bilenga ne ushala pabuipi ne Nyuma.

Biambuluisha bikuabu

• Buludiki ku Mifundu, “Word of Wisdom”

• “Nemeka Dîyi dia Lungenyi,” Longesha Lumu Luimpa Luanyi: Buludiki ku Ditangalaja Lumu Luimpa lua Yezu Kilisto (2023), 86–87

• Biena Bualu ne Nkoku, “Dîyi dia Lungenyi“ (Tshisangi tshia Mikanda ya Lumu Luimpa)

Eyi idi imua nkonku ne bibilu bia dilonga biwudi mua kuteta:

• Milayi kayi idi milamatshisha ku dienzela Dîyi dia Lungenyi?

  Mukalenga wakabikila Dîyi dia Lungenyi “a nshindamenu ne mulayi” (Dilongesha ne Bipungidi 89:3). Bala Dilongesha ne Bipungidi 89, ne tela nshindamenu ne milayi iwudi upeta. Tshilejilu, imua nshindamenu idi mua kuangata “dienda mu ditumikila” (kanungu 18), kuepuka dipitshisha (tangila kanungu 12), budishikaminyi ku bupika.

• Mushindu kayi uwudi mua kutumikila Dîyi dia Lungenyi dituku dionsu?

  Bua kukuba mubidi weba, Dîyi dia Lungenyi didi dikuambuluisha bua kushala ne bukola bua mubidi, kuenza masungula mimpa, ne kulama meji eba matoka bua ne umvua Nyuma bia bungi bipepela. Akula pa mushindu udi dienzela Dîyi dia Lungenyi ulenga masungula eba dituku dionsu (tangila Dilongesha ne Bipungidi 89).

• Mushindu kayi udi Mukalenga ubenesha aba badi banemeka Dîyi dia Lungenyi?

  Mu Dipungila Dikulukulu, Daniela ne balunda benda bakanemeka mukenji wa bukola bua mubidi uvua Mukalenga mufila bua tshikondu tshiabu. Bala Daniela 1 bua kulonga pa dimanya diabu. Mabenesha a nyuma ne a mubidi kayi awudi mupeta? (Tangila tunungu 15, 17–20.)

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, October 2026. Tshiluba. 20068 760