N̄an Un eo

Ta eo tarlep in gospel eo?

Jisōs ilo Gethsamane, jān Dan Burr

Irooj ekar ba bwe tarlep in gospel eo ej “bujen eo ejjeļo̧k jem̧ļo̧kin,” eo E ekar “kar jilkinļo̧k n̄an ro nejin armej raņ” (Katak im Bujen Ko 66:2). Eo ekitbuuj aolep men ko raourōk n̄an ajiri ro̧o nejin Anij n̄an aer deļo̧n̄ juon bujen jemjerā ippen E im bōk lo̧mo̧o̧r im mour indeo.

Gospel eo ej “naan eo em̧m̧an” kōn Jisōs Kraist. Ej “karōk in Lo̧mo̧o̧r eo an Anij, maron̄ in kōm̧m̧an kōn Pinmuur eo an Jisōs Kraist. Gospel eo ekitbuuji m̧ool ko ak kieein ko indeeo, bujen k, im kain̄i ko aikuj n̄an armej otemjej n̄an deļo̧n̄ļo̧k ilo im̧aan mejān Anij” (Unin Tōl eo n̄an Jeje Ko Rekwōjarjar, “Gospel”). Elōn̄ iaan men kein raar jako. Ak kio, kōn revelesōn n̄an rikanaan ro, ijjino ippān Josep Smith, Irooj ej kōjepļaaktok tarlep in gospel eo An.

Ippen Jepļaaktok eo an tarlep eo an gospel eo An, Jisōs Kraist “ej karuwaineneik tok aoleped wōj n̄an itok n̄an Ippān im Kabun̄ eo An, n̄an bōk Jetōb Kwojarjar eo, kain̄i in lo̧mo̧o̧r ko, im bōk lan̄lōn̄ ejeļo̧k jem̧ļo̧kin” (“Jepļaaktok eo an Tarlep in Gospel eo an Jisōs Kraist: Juon Naan in Kean̄ n̄an Laļ in Kōn Rūbukwi Iiō in Jepļaaktok Eo Juon Naan Kean̄ n̄an Laļ in,” Gospel Library).