Ekkeijel
Ivan B.
17, Zagreb, Croatia
Pija jān Ashlee Larsen
N̄a wōt membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo jikuuļ eo aō. Ilo juon iien ilo juon keemem, ro m̧ōtta raar jino idaak kadōk. Ekar jab em̧m̧an aō en̄jake im kar ro̧o̧l n̄an m̧weo m̧ō. Ke rekkar kajjitōk etke em̧ōkaj aō ro̧o̧l, iaar ba ijjab kadōk im ekar jab jetjet. Raar jab kōņaan uwaak eo im āinwōt eaar kōjak uwaak eo ippāer. Bōtaab ilo iien ko, ro m̧ōtta raar errā ie.
Ilo bar juon iien, rūkkaki eo aō ekkar kajjitōk ippa n̄e imaron̄ kōm̧m̧ane juon presentation kōn Kabun̄ in. Elōn̄ wōt iaan rijikuuļ ro m̧ōttar ekar wōr aer kajjitōk, im ikar en̄jake āinwōt Jisōs Kraist eo ekar katakin kōn n̄a. N̄e kwoj kwaļo̧k naan in kam̧ool eo am̧, kwojjjab aikuj mijak kōn ta eo ro jet rej ļōmņak. Eļan̄n̄e kwoj lōke Irooj, E enaaj jipan̄ eok jeļā ta eo n̄an ba.
Ikōņaan etal in mijen bwe in maron̄ boktok ro jet n̄an Kraist. Ij tōmak bwe Riļo̧mo̧o̧r eo ear bōk ioon E makke jerawiwi ko an laļin. Jemaron̄ aiintok Israel im karuwaineneik tok aolep n̄an itok n̄an Ippān.