Ļon̄tak eo Aō kōn Paotokū Make

Paulina M., 18 iiō dettan, Podlasie, Poland

Eitoklimoin kōjan̄jan̄ violin, piano, im riit novel ko.

Ilo kar middle school ikar ļon̄tak eļap kōn paotokū make im kajjieon̄ in āinwōt ro jet. Ikōn kajjieon̄ kāājemourur n̄an ukot jekjekū bōtaab ikar jab en̄jake m̧ōņōņō kōn paotok eo ilo kūlaaj eo.

Innām leddik eo jeiū ekar bōk kōjeraam̧m̧an in petriak eo an, im ikar jino ļōmņak kōn bōk eo aō. Ekar 12 iiō detta, im ilo jinoin ikar ļōmņak imaron̄ lukkuun dik. Ak iar jar im kōnono ippen bisop eo aō, im āinwōt ear jejjōt en̄jake eo.

Kōjeraam̧m̧an in petriak eo aō ekar kakeememej eō bwe Jemād Ilan̄ ej kile eō im bwe E ejeļā ļon̄tak ko ij dibuki. E ejeļā eta make. E ej pād ijo n̄an jipan̄ eō eļan̄n̄e ij m̧ōņōņō in kajjitōk An jipan̄.

Jet iien kwomaron̄ kalimjōk eok make im ļōmņak ejjab bwe an deeo jān jon̄ak ko an laļ in. Bōtaab ikar katak kōn n̄a make bwe an Anij lale eō eļapļo̧k an aorōk jān bar jabdewōt. Im eļan̄n̄e ijeļā bwe Anij ej lo eō āinwōt leddik eo Nejin, innām men eo de in ij aikuji.