Kajjitōk ko im Uwaak ko
“Ekōjkan aō maron̄ bōk juon naan in kam̧ool ekajoorļo̧k kōn Josep Smith im Jepļaaktok eo?”
Juon men iar kōm̧m̧ane n̄an kōkajoorļo̧k naan in kam̧ool eo aō kōn Jepļaaktok eo ej n̄an riiti bwebwena eo kōn visōn eo m̧oktata aolep bon̄ m̧okta jān kiki. N̄e ij riit kōn na kar Josep deeor im jutak ilo im̧aan mejān Anij, ij en̄jake aō epakeļo̧k meram eo an Anij, im bwe ej jipan̄ eō jeļā E ej pād ijo.”
Eve T., 16 an iiō, Chorley, UK
“Ke ikar kile bwe ekar ejjeļo̧k aō juon naan in kam̧ool kōn Josep Smith, ikar jino riiti Armej ro Rekwojarjar. Iar loe jon̄an kajoor im kabwilōn̄lōn̄ in ta eo Josep ear ioon. Ikar barāinwōt en̄jake an Jetōb eo pād ippa ke ikar jar kōn Bok in Mormon. Iar jino ao jipan̄ mijinede ro, im kiō ijjab maron̄ bōjrak jān aō kam̧ool n̄an armej kōn Josep Smith im Jepļaaktok eo.
Abish N., 18 iiō dettan, Negros Oriental, Philippines
“Rikanaan eo ear jiron̄ kōj n̄an ekkatak kōn mour eo an Kraist n̄an jipan̄ kōj bōk juon naan in kam̧ool eo kake E im Pinmuur eo An. Ej āinwōt ippen Josep Smith. Ilo aō ekkatak kōn mour eo an, imaron̄ bōk juon naan in kam̧ool ekajoorļo̧k kōn Jepļaaktok eo im kōn Josep āinwōt rikanaan eo kein kajuon an tōre in iien bōk eddo in ad. Emaron̄ bar em̧m̧anļo̧k aō meļeļe kōn etke Kabun̄ eo an Jisōs Kraist ekar aikuj in jepļaaktok.”
Asher W., 17 iiō dettan, Louisiana, USA
“Kōm̧m̧ane ta eo Josep ear kōm̧m̧ane im kajjitōk ippen Anij! Kijenmej; uwaak eo enaaj itok.”
Anna W., 17 iiō dettan, Colorado, USA
“Jar ej wāween eo epidodo tata n̄an bōk juon naan in kam̧ool kōn Josep Smith im Jepļaaktok eo. Irooj ekar uwaak jar in n̄an n̄a make im n̄an ebar lōn̄—enaaj kōm̧m̧ane ejja āinwōt n̄an kwe. Barāinwōt, ekkatak kōn naan in kam̧ool ko rekajoor an rikam̧ool ro ilo Bok in Mormon.
Andrew N., 18 iiō dettan, Washington, USA