Dominggo sa Buntag nga Sesyon
“Mao Ako”
Mga Kinutlo
Gani ngadto sa kasaysayan daghan ang nagpayano, bisan sa ka walay hinungdan sa atong hulagway ni [Jesukristo] ug sa Iyang pagsaksi kon si kinsa Siya. Gipagamay nila ang Iyang kamatarong ngadto sa yano nga pagkakimi, Iyang hustisya ngadto sa kasuko lamang, Iyang kaluoy ngadto sa kamatugtanon lamang. Kinahanglang dili kita mahimong sad-an sa maong yano nga mga bersiyon Kaniya nga sayon rang gibale-wala ang mga pagtulun-an nga atong makita nga dili komportable. Kining “pagpakahilom” tinuod bisan kabahin sa Iyang kataposan nga pagpasabot sa hiyas, Iyang gugma.
Atol sa Iyang mortal nga misyon, si Jesus mitudlo nga adunay duha ka dagkong sugo. … “Higugmaa ang Ginoo nga inyong Dios [ug] higugmaa ang inyong silingan ingon sa inyong kaugalingon.” Kon kita mosunod sa Manluluwas sa matinud-anong paagi niining duha ka labing mahinungdanon ug dili mahimong bulagon nga mga lagda, kinahanglan kitang mogunit og maayo sa unsay Iya nang nasulti. Ug unsay Iyang tinuod nga nasulti mao ang, “Kon gihigugma ninyo ako, tumana ninyo ang akong mga sugo.” Nianang samang gabii, Siya miingon nga kita “maghigugmaay; kon unsa ang akong paghigugma kaninyo.” …
… Giunsa paghigugma ni Jesus?
Una, mihigugma Siya uban sa “tibuok [Niyang] kasingkasing, gahom, hunahuna ug kusog,” naghatag Kaniya sa abilidad sa pag-ayo sa labihan nga kasakit ug nagpahayag sa labing lisod nga kamatuoran. …
Ang ikaduhang kinaiya sa balaang gugma nga putli ni Jesus mao ang Iyang pagkamasulundon sa matag pulong nga mogula gikan sa ba-ba sa Dios, kanunay nga nahiuyon sa Iyang kabubut-on ug batasan sama sa Iyang Langitnong Amahan. …
… Kon mobarog kita sa Iyang atubangan ug makakita sa mga samad sa Iyang mga kamot ug mga tiil, magsugod kita sa paghunahuna kon unsay gipasabot niini alang Kaniya sa pagdala sa atong mga sala ug magmasulub-on, hingpit nga magmasulundon ngadto sa kabubut-on sa Iyang Amahan—tanan tungod sa putli nga gugma alang kanato.