Sulod Lamang sa Dili Daghan nga Katuigan
Mga Kinutlo
Ang Basahon ni Mormon dili lamang usa ka makasaysayanon nga rekord nga mahinungdanon sa nangagi. Hinuon, kini nga libro sa kasulatan mahinungdanon sa umaabot ug naglangkob sa importante nga mga baroganan, mga pasidaan, ug mga leksiyon nga gituyo alang sa mga kahimtang ug mga hagit sa atong panahon karon. Busa, ang Basahon ni Mormon mao ang usa ka basahon mahitungod sa atong umaabot ug sa mga panahon nga kita nagpakabuhi karon ug sa pagpakabuhi sa umaabot. …
Ang kaaran nga mga tingog gikan sa abog nangamuyo nato karon nga makat-on niining mahangtorong leksiyon: kauswagan, mga katigayonan, ug kaharuhay naglangkob og usa ka gamhanang pagkasagol nga moresulta nga bisan ang mga matarong moinom sa espirituhanong hilo nga mao ang garbo. …
Kinahanglang magbantay kita kanunay batok sa makamugna og garbo ug nasobrahan nga pagbati og kaimportante sa kaugalingon, usa ka sayop nga ebalwasyon sa atong kaugalingong kaharuhay, ug kaugalingon ra ang gihunahuna imbes moserbisyo sa uban. …
Mosugyot ko nga kon kamo o ako nagtuo nga igo na ang atong kalig-on ug kaisog aron makalikay sa kaarogante sa garbo, nan tingali nagsagubang na kita niining makamatay nga espirituhanong sakit. …
Pero, kon ako ug kamo nagtuo nga kita mahimong matakboyan uban ug pinaagi sa garbo, nan magmakanunayon kita nga mohimo sa ginagmay ug yano nga mga butang nga manalipod ug motabang nato nga mahimong “sama sa usa ka bata, manunoton, maaghop, mapainubsanon, mapailobon, puno sa gugma, mauyonon sa pagtugyan sa tanan nga butang diin ang Ginoo makakita nga angay ipahamtang ngari [kanato]” [Mosiah 3:19].
… Kon kita magtuon ug mamalandong sa [Basahon ni Mormon], kita mapanalanginan og mga mata nga makakita, mga dunggan nga makadungog, mga hunahuna ug mga kasingkasing nga makasabot sa mga leksiyon nga kinahanglan natong makat-onan sa “pagbantay sa garbo, tingali unya og [kita] masulod ngadto sa pagtental” [Doktrina ug mga Pakigsaad 23:1].