Sabado sa Buntag nga Sesyon
Magpuyo sumala sa Inyong mga Pribilehiyo
Mga Kinutlo
Ang mga ordinansa sa pagkapari ug mga saad diha sa pakigsaad mitugot sa Dios sa pagbalaan kanato ug dayon maghimo og mga katingalahan sa atong kinabuhi. Apan giunsa niini pagkahitabo?
Una, aron ang usa ka ordinansa makapakita sa gahom sa Dios sa atong kinabuhi, kinahanglan kining buhaton nga adunay awtoridad gikan sa Anak sa Dios. …
Ikaduha, wala lamang kita mohimo og mga saad diha sa pakigsaad—kinahanglan kitang motuman niini. …
Samtang si Propeta Joseph gitudloan kabahin sa mga yawe, mga buhatan, mga ordinansa, ug unsaon sa pag-abag diha sa serbisyo sa pagkapari, ang Ginoo Mismo, pinaagi sa Iyang propeta, mihatag og pagpadayag ngadto ni Emma. …
Kon kita mainampingong mobasa sa seksiyon 25, atong madiskobrehan ang usa ka importanteng pag-uswag nga nahitabo. Si Emma mabalhin gikan sa pagkahimong anak nga babaye sa gingharian ngadto sa “babaye nga pinili” ngadto sa pagka rayna. Ang mga ordinansa sa Aaronic ug Melchizedek nga Pagkapari, nga gihugpong kauban sa pagtuman sa iyang mga saad diha sa pakigsaad makapadugang sa iyang pagpakig-uban sa Espiritu ug mga anghel, naghatag kaniya og gahom sa pagpakabuhi nga adunay balaan nga giya. …
… Kini usa ka butang nga gusto nakong masabtan sa matag batang babaye sa gingharian.
“Magpuyo sumala sa inyong mga pribilehiyo.”
Kat-oni kon sa unsang paagi nga ang mga ordinansa sa pagkapari ug ang mga saad diha sa pakigsaad motugot sa gahom sa Dios nga modagayday diha sa inyong kinabuhi nga adunay dugang nga kaepektibo, maglihok diha ug pinaagi nimo, ug maghatag og gahom ug mosangkap nimo aron makab-ot ang imong hingpit nga katuyoan ug potensyal. …
Kitang tanan makagamit sa gasa sa gahom sa Dios.
Matag higayon nga kita moambit sa sakramento.
Matag higayon nga kita motabok sa tumbanan sa templo.
Kini ang labing importanteng bahin sa akong Igpapahulay. Kini ang rason nganong akong giampingan ang akong rekomend sa templo.
“Diha sa mga ordinansa niana, ang gahom sa pagka-diosnon gipakita” [Doktrina ug mga Pakigsaad 84:20].