Pyetje dhe Përgjigje

“Kam nevojë për këshilla mbi planifikimin e aktiviteteve për rininë. Cilat janë disa ide të mira?”

“Përqendrohuni te nevojat e klasës suaj [ose kuorumit] dhe planifikoni një sërë shërbimesh dhe aktivitetesh për të unifikuar dhe forcuar anëtaret [ose anëtarët] e klasës, për të ndërtuar dëshmi, për të bekuar të tjerët dhe për t’u argëtuar.”

“What Should I Focus On?”, My Calling as a Young Women Class Presidency Member, Gospel Library [Biblioteka e Ungjillit].

Bëjeni me Radhë dhe Planifikoni së Bashku

e re

“Çdo javë planifikojmë me radhë aktivitete. Kjo e largon stresin vetëm nga një person dhe marrim shumëllojshmëri idesh. Të bësh një aktivitet ku të gjithë planifikojnë së bashku është e dobishme gjithashtu. Na pëlqen shumë të luajmë lojëra, të qeshim së bashku dhe të bëjmë shërbim.”

Adelajn S., 17 vjeçe, Jutë, SHBA

Sillini të Tjerët te Shpëtimtari

e re

“Pyetini anëtaret e klasës ose anëtarët e kuorumit tuaj se çfarë u pëlqen të bëjnë. Zgjidhni aktivitete që do t’i afrojnë të rinjtë së bashku dhe me Shpëtimtarin, dhe thjesht argëtohuni së bashku! Aktivitetet e shërbimit kanë qenë përherë ndër gjërat e mia të parapëlqyera. Gjithmonë zë miq të rinj!”

Keiti G., 18 vjeçe, Uashington, SHBA

Përpiquni t’i Përfshini të Gjithë

e re

“Aktivitetet në të cilat gjithkush mund të marrë pjesë, mund t’i bëjnë të tjerët të ndihen më të mirëpritur. Është shumë e dobishme ta pyetni grupin tuaj se çfarë pasionesh ose gjërash të tjera pëlqejnë.”

Lili D., 13 vjeçe, Arizona, SHBA

Tri Pyetje

e re

“Klasa ime shpesh i planifikon aktivitetet bazuar në tri pyetje: Çfarë duhet të përmirësojmë? Kë duhet të përkrahim? A është koha për një aktivitet që kërkon më pak kohë dhe energji se aktivitetet e tjera? Me këto gjëra në mendje, lutuni, përsiatni dhe këshillohuni së bashku. Mund t’ia dilni!”

Izabela R., 14 vjeçe, Oregon, USA

Korniza Shpirtërore

e re

“Do t’ju duhen disa revista të Kishës në mënyrë që të mund të pritni figurat ose mesazhet shpirtërore që janë frymëzuese për ju. Pastaj vendoseni atë që pritni në një kornizë në një model unik. Mund ta vendosni diku ku mund ta shihni.”

Florenca M., 14 vjeçe, Kolumbia Britanike, Kanada

Përgjigjet synojnë të japin ndihmë dhe këndvështrim, nuk jepen si deklarime zyrtare të doktrinës së Kishës.

Çfarë Mendon Ti?

“Si mund ta di se ajo që po lexoj në Librin e Mormonit, është e vërtetë?”

Dërgoje përgjigjen dhe fotografinë tënde deri më 15 shkurt 2024.

Na dërgo mesazh elektronik në adresën [e-mail]. Ose shko te ftsoy.ChurchofJesusChrist.org dhe kliko te “Submit Your Work” [“Dorëzojeni Punimin Tuaj”]. Nënshkruaje hyrjen në Llogarinë tënde të Kishës dhe më pas përzgjidh “For the Strength of Youth” [“Për Forcën e Rinisë”] nën “Choose Magazine” [“Zgjidh Revistën”]. Kliko tek “Add File” [“Shto një Material”] që të përzgjedhësh materialin dhe fotografitë e tua dhe më pas kliko te “Submit” [“Dorëzo”] për ta ngarkuar dhe për të na e dërguar materialin tënd.

Përgjigjet mund të redaktohen lidhur me gjatësinë apo qartësinë.