“Winim Wol ia mo Faenem Pis,” Blong Ol Yut Oli Kam Strong, Febwari 2024.
Ol Toktok blong Stap Laef Folem
Winim Wol ia mo Faenem Pis
I kam long wan Oktoba 2022 jeneral konfrens toktok.
Ol pikja droing oli kam long Bryan Beach
From we Jisas Kraes i winim wol ia mo from we Hem i pem praes blong wanwan long yumi, yumi tu i save winim wol ia we i fulap long sin, i selfis, mo i taet bigwan.
Taem yu sakem sin fulwan mo lukaotem help blong Hem, yu save kamaot long wol ia we i fulap long denja mo faenem tru pis.
?Wanem i minim blong winim wol?
Hem i minim;
-
Blong winim temtesen blong kea moa abaot ol samting blong wol ia bitim ol samting blong God.
-
Blong trastem doktrin blong Kraes moa bitim save blong man.
-
Blong stap glad long trutok, tok agensem fasin blong giaman, mo stap kam “ol man we oli folem Kraes.”
-
Blong jusum blong stap longwe long eni samting we bae i ronemaot Spirit mo glad blong “lego” iven ol sin we yumi laekem tumas.
-
Blong gro blong lavem God mo Pikinini blong Hem we Hem i laekem tumas moa bitim we yu lavem eniwan o eni samting.
?Olsem wanem nao yumi winim wol?
-
Lukaotem mo folem ol toktok we i kam long Spirit.
-
Sakem sin evri dei mo kipim ol kavenan we i kavremap yumi wetem paoa.
-
Stap long Kavenan Rod
Sevya i leftemap yumi i go ova long paoa blong wol ia we i foldaon i stap mo i blesem yumi wetem bigfala jareti, fasin blong gat tingting i stap daon, fasin blong givim wetem glad, stap kaen, kontrolem yumiwan, pis, mo spel.
From se Jisas Kraes i winim wol ia, yumi tu yumi save mekem.