Nelina N.

12, Sofia, Bulgaria

I no gat plante memba blong Jos Ia blong Jisas Kraes blong Ol Lata-dei Sent long ples we mi stap long hem. Mi mas wet blong papa blong mi i givim raet long mi blong mi baptaes, be mi wantem tumas blong baptaes. Evri dei, mi prea blong bae hem i letem mi.

!Wan dei hem i singaotem mi mo talem long mi se mi save baptaes! !Mi bin glad tumas! Mi save se joes blong mi bae i helpem mi blong folem ol step blong Kraes.

Olsem wan niu memba blong Jos, mi wantem tumas blong givim seves from mi luk ol nara pipol oli stap givim seves oltaem. Mi prea plante se God bae i sendem wan long mi blong mi givim seves long hem. Wan naet long drim blong mi, mi luk wan woman long saed rod we i nidim help afta we i foldaon long jea blong hem. Long nara taem afta, papa blong mi mo mi i wokbaot long rod ia, mi luk wan woman i foldaon aot long jea blong hem. !Hem i semfala woman ia long drim blong mi! Hem i wan tabu eksperiens blong mi blong save helpem hem.