« ដោយស្មោះអស់ពីចិត្តរបស់យើង » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំរសៀលថ្ងៃអាទិត្យ
ដោយស្មោះអស់ពីចិត្តរបស់យើង
ការដកស្រង់
ការធ្វើជាសិស្សម្នាក់របស់ព្រះយេស៊ូវគ្រីស្ទ ពុំគ្រាន់តែជាកិច្ចការមួយក្នុងចំណោមកិច្ចការជាច្រើនដែលយើងធ្វើនោះទេ ។ ព្រះអង្គសង្រ្គោះគឺជាថាមពលជំរុញនៅពីក្រោយការណ៍ គ្រប់យ៉ាង ដែលយើងធ្វើ ។ …
ចុះចំណែកឯកិច្ចការ និងទំនួលខុសត្រូវជាច្រើនដែលធ្វើឲ្យជីវិតយើងមមាញឹកវិញនោះយ៉ាងណាដែរ ? …
« ឯព្រះវរបិតានៃអ្នករាល់គ្នា ដែលគង់នៅស្ថានសួគ៌ ទ្រង់ជ្រាបហើយថា អ្នករាល់គ្នាត្រូវការនឹងរបស់ទាំងនោះដែរ ។
« ចូរអ្នកស្វែងរកនគរនៃព្រះ និងសេចក្ដីសុចរិតរបស់ទ្រង់ជាមុនសិន ទើបគ្រប់របស់ទាំងនោះនឹងបានប្រទានមកអ្នករាល់គ្នាថែមទៀតផង » [ នីហ្វៃទី ៣ ១៣:៣២–៣៣; សូមមើលផងដែរ ម៉ាថាយ ៦:៣២–៣៣ ] ។
ប៉ុន្តែរឿងនោះពុំមែនមានន័យថា វាងាយស្រួលទេ ។ វាតម្រូវឲ្យមានទាំង ពលិកម្ម និង ការថ្វាយ ។
វាតម្រូវឲ្យ បោះបង់ ចោលអ្វីមួយ និងទុកឲ្យអ្វីមួយផ្សេងទៀត រីកចម្រើន ។
… ការធ្វើ ពលិកម្ម មានន័យថាត្រូវលះបង់អ្វីមួយដើម្បីអ្វីមួយផ្សេងទៀតដែលមានតម្លៃខ្ពស់ជាង ។ …
យ៉ាងហោចណាស់ក៏មានចំណុចសំខាន់មួយដែរ ដែល ការថ្វាយ ខុសពីពលិកម្ម ។ នៅពេលយើងថ្វាយអ្វីមួយ យើងមិនទុកវាចោលនៅលើទីអាសនាឡើយ ។ ប៉ុន្តែយើងទុកវាសម្រាប់ប្រើនៅក្នុងការបម្រើរបស់ព្រះអម្ចាស់ ។ យើងឧទ្ទិសថ្វាយរបស់នោះចំពោះទ្រង់ និងគោលបំណងដ៏បរិសុទ្ធរបស់ទ្រង់ ។ …
ពេលយើងក្រឡេកមើលទៅជីវិតយើង ហើយឃើញមានកិច្ចការដែលត្រូវធ្វើរាប់រយជំពូក នោះយើងមានអារម្មណ៏ធុញថប់ ។ នៅពេលយើងឃើញអ្វីមួយ—ដោយក្តីស្រឡាញ់ និងការបម្រើដល់ព្រះ និងបុត្រាបុត្រីរបស់ទ្រង់ តាមរបៀបខុសៗគ្នាជាច្រើនរាប់រយ—នោះយើងធ្វើការលើកិច្ចការទាំងនោះដោយអំណរ ។
នេះជារបៀបដែលយើងថ្វាយព្រលឹងយើងទាំងមូលគឺ—ដោយការលះបង់ចោលនូវអ្វីៗគ្រប់យ៉ាងដែលរារាំងយើង ហើយថ្វាយអ្វីៗគ្រប់យ៉ាងដែលនៅមាន ចំពោះព្រះអម្ចាស់ និងព្រះរាជបំណងរបស់ទ្រង់ ។