« និស្ស័យនៃព្រះ និងជោគវាសនាដ៏អស់កល្បជានិច្ចរបស់បងប្អូន » ដើម្បីកម្លាំងនៃយុវជន ខែ ឧសភា ឆ្នាំ ២០២២ ។
សម័យប្រជុំស្ត្រី
និស្ស័យនៃព្រះ និងជោគវាសនាដ៏អស់កល្បជានិច្ចរបស់បងប្អូន
ការដកស្រង់
គោលលទ្ធិដ៏សំខាន់ដែលបានបង្រៀននៅក្នុងបាវចនារបស់ក្រុមយុវនារីមានសារៈសំខាន់ចំពោះក្រុមយុវនារី ហើយក៏អាចអនុវត្តចំពោះមនុស្សគ្រប់គ្នាផងដែរ ។ …
… ទីមួយ បងប្អូនគឺជាបុត្រីសំណព្វ ។ គ្មានអ្វីដែលបងប្អូនធ្វើ—ឬមិនធ្វើ—អាចផ្លាស់ប្ដូរសេចក្ដីពិតនោះបានឡើយ ។ ព្រះស្រឡាញ់បងប្អូន ។ …
សេចក្ដីពិតទីពីរគឺថា យើងមានព្រះមាតាបិតាសួគ៌ គឺជាបិតាមួយអង្គ និងមាតាមួយអង្គ ។ …
សេចក្ដីពិតទីបីនៅដើមកថាខណ្ឌនៃបាវចនារបស់ក្រុមយុវនារីចែងថា យើងមាន « និស្ស័យនៃព្រះ » ។ ពាក្យនេះគឺជាអត្តសញ្ញាណរបស់យើង ។ វាគឺជា « ដើមកំណើត » ខាងវិញ្ញាណទទួលមកពីព្រះមាតាបិតាសួគ៌របស់យើង ។ …
សេចក្ដីពិតទីបួនគឺថា យើងមាន « ជោគវាសនាដ៏នៅអស់កល្បជានិច្ច » ។ …
… យើងមានសេរីភាពជ្រើសរើស ប៉ុន្តែយើងពុំអាចជ្រើសរើសលទ្ធផលនៃការពុំធ្វើតាមផ្លូវដែលបានបើកសម្ដែងបានឡើយ ។ …
នៅពេលយើងប្រែចិត្តដោយស្មោះត្រង់ នោះពុំមានស្លាកស្នាមរបួសខាងវិញ្ញាណតទៅទៀតឡើយ មិនថាយើងធ្លាប់បានធ្វើអ្វីធ្ងន់ធ្ងរប៉ុនណា ឬច្រើនដងយ៉ាងណាក្ដី ។ កាលណាយើងប្រែចិត្តជាញឹកញាប់ ហើយស្វែងរកការអភ័យទោសដោយមានបំណងពិត នោះយើងអាចត្រូវបានអត់ទោសឲ្យ ។ …
… កម្លាំងកើតឡើងតាមរយៈសេចក្ដីជំនឿលើព្រះយេស៊ូវគ្រីស្ទ និងការចុះសេចក្ដីសញ្ញាដ៏ពិសិដ្ឋ ។
… នៅពេលយើងរក្សាសេចក្ដីសញ្ញា នោះយើងទទួលបានព្រះចេស្ដានៃព្រះនៅក្នុងជីវិតរបស់យើង ។
… ព្រះវរបិតាសួគ៌នៃយើងសព្វព្រះទ័យឲ្យបងប្អូនប្រែក្លាយជាអ្នកគ្រងមរតករបស់ទ្រង់ ហើយទទួលអ្វីៗដែលទ្រង់មាន ។ ទ្រង់ពុំអាចផ្ដល់ឲ្យបងប្អូនហួសពីនោះឡើយ ។ ទ្រង់ពុំអាចសន្យានឹងបងប្អូនហួសពីនោះទេ ។ ទ្រង់ស្រឡាញ់បងប្អូនលើសពីបងប្អូនដឹងទៅទៀត ហើយទ្រង់សព្វព្រះទ័យចង់ឃើញបងប្អូនរីករាយនៅក្នុងជីវិតនេះ និងជីវិតបន្ទាប់ ។