“‘Oua ʻe Manavahē,” Ki Hono Fakamālohia ‘o e Toʻu Tupú, Fēpueli 2021, 32.
ʻOtu Lea ki he ʻOtu Lea
ʻOua ʻe Manavahē
Kuo fakahā mai ‘e he ʻEikí ha founga ke tau mo‘ui taʻemanavahē ai.
ʻOua ʻe manavahē ke failelei
‘Oku finangalo ʻa e ʻEikí ke tau fai lelei, pea ʻoku ʻikai totonu ke tau ilifia ke fakahoko ia.
Tūtuuʻi … utu
ʻOku ʻuhinga ʻa e tūtuuʻi ki hono tō ha tenga. ʻOku ʻuhinga e utú ki hono toli ʻa e me‘a naʻá ke toó. ʻOku ui ʻeni he taimi ʻe niʻihi “ko e lao ʻo e ututaʻú.” Kapau te ke tō ‘a e tenga lelei, te ke utu ʻa e me‘akai lelei. Kapau te ke tō ‘a e tenga kovi, te ke utu ʻa e me‘akai ʻoku kovi. ‘Oku tatau ʻa e fai leleí mo hono tō ʻa e tenga leleí. Te ke ma‘u ʻa e ngaahi pale lelei.
‘Oku ʻikai te u fakahalaia‘i ʻa kimoua; mo ‘alu ʻi homo halá pea ʻoua ʻe toe fai angahala
‘E lava ke fakamolemoleʻi kitautolu ‘e he ʻEikí kapau te tau fakatomala. ‘Oku ʻikai totonu ke tau tuku ‘a e ngaahi angahala ʻo e kuohilí ke ne taʻofi ʻetau fakatomalá, laka ki mu‘á, mo e fai leleí.
‘I he loto fakamātoato
‘I ha ʻulungaanga fakamātoato, nonga, mo faʻa fakakaukau.
Sio pē kiate au ʻi he fakakaukau kotoa pē
Ko ha fakalea pē ʻeni ʻe taha ʻo e pehē “manatu ma‘u ai pē kiate ia,” ʻo hangē ko ʻetau palōmesi ʻoku fakahoko ‘i he sākalamēnití.1
Vakai ki he ngaahi laveá
Ko e ngaahi mataʻikafo ʻi he nima, vaʻe, mo e vakavaka ʻo Sīsū Kalaisí ko e ngaahi fakaʻilonga ia naʻe tutuki Ia pea kuo toetuʻu.2 ‘Oku nau fakahaaʻi mai kuó Ne ikunaʻi ‘a e ngaahi meʻa kotoa pē. ʻOku ʻomi ʻe he meʻá ni ʻa e mālohi mo e loto toʻa ke ʻoua te tau veiveiua pe manavahē.
Ma‘u
‘E foaki mai ʻe he Tamai Hēvaní kiate kitautolu ʻa e meʻa kotoa pē ‘okú Ne maʻú ʻo kapau te tau talangofua kiate Ia.