Kom, fylg mér – Verkefni

30. júní–6. júlí: Kenning og sáttmálar 71–75

Þjónustuhjörtu

Guð kallar biskupa og greinarforseta til að hjálpa fólkinu að þjóna hvert öðru í deildum þess eða greinum (sjá Kenning og sáttmálar 72:2). Klippið út pappírshjörtu og skrifið á hvert þeirra það sem ykkur finnst dásamlegt um biskup ykkar eða greinarforseta. Límið hjörtun á hurðina á skrifstofu hans eða heimili.

Fyrir yngri börn: Kynnið litlu börnin ykkar fyrir biskupi ykkar eða greinarforseta. Hjálpið þeim að taka í hönd hans eða lita mynd til að gefa honum.

7.–13. júlí: Kenning og sáttmálar 76

Himnesk sól

Einn daginn getum við lifað í himneska ríkinu með himneskum föður, Jesú Kristi og fjölskyldum okkar (sjá Kenning og sáttmálar 76:62, 70, 92). Ritningarnar líkja himneska ríkinu við sólina. Notið pappírsdisk eða blað til að búa til sól. Klippið út pappírsþríhyrninga fyrir sólargeisla og límið þá á hringinn. Ræðið hvað þið getið gert núna til að búa ykkur undir að dvelja hjá himneskum föður og Jesú Kristi einhvern daginn.

Fyrir yngri börn: Farið út til að finna fyrir sólinni. Segið börnum ykkar að elska himnesks föður til þeirra sé hlý eins og sólin.

14.–20. júlí: Kenning og sáttmálar 77–80

Dýraverkefni

Jesús Kristur skapaði allar skepnur á jörðunni undir handleiðslu Guðs (sjá Kenning og sáttmálar 77:2). Farið í dýraágiskunarleik! Ein manneskja þykist vera ákveðið dýr. Allir aðrir reyna að giska á hvaða dýr hún er. Þegar þið giskið rétt á það, segið þá eitthvað sem ykkur líkar við dýrið.

Fyrir yngri börn: Farið í göngutúr með litlu börnunum ykkar og bendið á dýrin sem þið sjáið. Eða skoðið myndir af dýrum. Kennið þeim að himneskur faðir og Jesús Kristur hafi skapað allar skepnur á jörðu.

21.–27. júlí: Kenning og sáttmálar 81–83

Syngja og biðja

Himneskur faðir heyrir ætíð bænir okkar (sjá Kenning og sáttmálar 81:3). Syngið „Bæn barns“ með fjölskyldu ykkar (Barnasöngbókin, 6). Byrjið lagið með aðeins einum einstaklingi. Fáið síðan alla aðra til að slást í hópinn, hægt og rólega. Eftir að þið hafið sungið saman, ræðið þá um það sem þið getið beðið fyrir sem fjölskylda.

Fyrir yngri börn: Æfið ykkur í að krjúpa, krossleggja handleggi og biðja með litlu börnunum. Ef þau þurfa á því að halda, hjálpið þeim þá að fara með bænina með því að hvísla í eyra þeirra.

Ljósmyndir: Christina Smith