Tokoniʻi ʻo Lūkasí, Tokoniʻi ʻo Lekisií

Fai ʻe Rebekah Jakeman

Ko ha talanoa moʻoni mei he USA.

Ko e tuongaʻane mo e tuofefine ʻa Lūkasi mo Lekisī. ʻOkú na saiʻia ke ngāue mo vaʻinga fakataha.

ʻImisi ʻo ha kiʻi tamasiʻi ʻoku ʻi ai hono matasioʻata mo ha kiʻi taʻahine ʻoku haʻi hono vaʻé

ʻOku kui ʻa Lūkasi. ʻOku ʻuhinga ʻeni ʻoku ʻikai ke ne lava ʻo sio lelei. ʻOku veʻekali (clubfoot) ʻa Lekisī. ʻOku ʻuhinga ʻeni ʻoku piko hono vaʻé, pea ʻoku faingataʻa ke lue. ʻOku tokoni ʻa Lūkasi ke luelue ʻa Lekisī ʻi he taimi ʻoku helaʻia ai hono ongo vaʻé. ʻOku laukonga ʻa Lekisī kia Lūkasi ʻi he taimi ʻoku helaʻia ai hono matá. ʻOkú na saiʻia ke na fetokoniʻaki.

ʻĪmisi ʻo ha kiʻi taʻahine ʻokú ne siofi hono tuongaʻané ʻi he palālelí (monkey bars)

ʻOku saiʻia ʻa Lūkasi mo Lekisī ke vaʻinga ʻi he malaʻe vaʻingá. ʻOku tokoni ʻa Lūkasi kia Lekisī kapau ʻe humu mo tō. ʻOku tokoni ʻa Lekisī kia Lūkasi kapau ʻoku ʻikai ke ne lava ʻo maʻu ʻa e ngaahi foʻi ukamea palālelí.

ʻOku saiʻia ʻa Lūkasi mo Lekisī ʻi he vaʻinga ʻi he laʻipapá. ʻOku lau ʻe Lekisī ʻa e ngaahi laó kia Lūkasi. ʻOku tokoni ʻa Lūkasi ke fakakaukauʻi ʻe Lekisī ʻene ngaue hono hokó.

ʻĪmisi ʻo ha kiʻi tamasiʻi ʻokú ne tā kīpooti mo ha kiʻi taʻahine ʻoku hiva

ʻOku saiʻia ʻa Lūkasi mo Lekisī ʻi he mūsiká. ʻOku saiʻia ʻa Lūkasi ʻi hono tā ʻo e pianó. ʻOku saiʻia ʻa Lekisī ke hiva. Taimi ʻe niʻihi ʻoku tā piano ʻa Lūkasi kae hiva ʻa Lekisī.

ʻĪmisi ʻo ha kiʻi tamasiʻi mo ha taʻahine ʻokú na fakamaʻa ʻi ʻapi

ʻOku saiʻia ʻa Lūkasi mo Lekisī ke na fetokoniʻaki. ʻOku faʻa tokoni ʻa Lūkasi kia Lekisī ke ngaohi hono mohengá. ʻOku faʻa tokoni ʻa Lekisī kia Lūkasi ke tufi hake ʻene meʻavaʻingá.

ʻĪmisi ʻo ha kiʻi tamasiʻi mo ha kiʻi taʻahine ʻokú na lau ʻa e folofolá

ʻOku saiʻia ʻa Lūkasi mo Lekisī ʻi hono lau ʻa e ngaahi talanoa mei he folofolá. ʻOkú na saiʻia ʻi he ako fekauʻaki mo Sīsū Kalaisí mo e founga naʻá Ne tokoniʻi ai ʻa e niʻihi kehé. Naʻe ʻofa ʻa Sīsū Kalaisi ʻiate kinautolu naʻá Ne tokoniʻí.

ʻĪmisi ʻo ha kiʻi tamasiʻi mo ha taʻahine ʻokú na fāʻofua

ʻOku saiʻia ʻa Lūkasi ke tokoni kia Lekisī, pea ʻoku saiʻia ʻa Lekisī ʻi hono tokoniʻi ʻo Lūkasí. ʻOkú na ʻofa ʻia Sīsū Kalaisi pea ʻokú na fie hoko ʻo hangē ko Iá. ʻOku ʻofa ʻa Sīsū ʻia Lūkasi mo Lekisī. ʻOkú Ne hōifua ʻi heʻena fetokoniʻakí.