“Mālō e Lelei mei ʻAositelēlia!” Ko e Kaumeʻá, ʻEpeleli 2025, 8–9.

Mālō e Lelei mei ʻAositelēlia!

Ko ʻAositelēliá ko ha fonua mo ha konitinēniti ʻi he vahaʻa ʻo e ʻŌseni Pasifikí mo e ʻŌseni ʻInitiá. ʻOku laka hake ʻi he kakai ʻe toko 25 milioná ʻoku nofo ʻi aí! Ko e lea faka-Pilitāniá ko e tefitoʻi lea ia ʻoku fakaʻaongaʻi aí.

Temipale ʻe Ua ʻi Pilisipeini

ʻOku tuʻu ʻa e Temipale Pilisipeini ʻAositelēliá ʻi ha feituʻu ʻoku ui ko Kangakalū Poini! Naʻe fanongonongo foki mo ha temipale ʻAositelēlia hono ono ki he feituʻu fakatonga ʻo Pilisipeiní.

Ko ha Anovai Pingikī

Ko e Anovai Hiliaá ko ha anovai konokona ia ʻi ʻAositelēlia. ʻOku lanu pulukamu pingikī ʻa e vaí koeʻuhí ko ha faʻahinga pekitīlia mo e limu makehe.

Fanga Monumanu ʻAositelēliá

ʻOku lahi ha fanga monumanu makehe ʻi ʻAositelēlia, kau ai ʻa e peletipasí, kangakaluú, koalá, mo e ʻīmú.

Maka Kulokulá

Ko e ʻUlulú (Uluru) ko ha maka ʻoneʻone lahi ia ʻi ʻAositelēlia. ʻOku fute ʻe 1,142 (mita ʻe 348) hono māʻolungá—māʻolunga ange ia ʻi he Taua ʻAifoló!

Faʻu Hivá

ʻOku ngaohi ʻe he kau ʻApó (ko e fuofua kakai ʻi ʻAositelēliá) ha ngaahi meʻalea ʻoku ui ko e titiselitū (didgeridoos) mei he ngaahi sinoʻi ʻakau ʻoku ava ʻa lotó. ʻI he taimi ʻoku nau puhi ai ki he loto ʻakaú, ʻokú ne ʻomi ha ongo ʻoku muhu maʻulalo ʻene longoaʻá.