O Gaoioiga o le Sau, Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea faafiafia!

26 Fepuari–3 Mati

Malumalu Pepa

Mo le 2 Nifae 11–19

alt text

Na aoao mai Isaia o malumalu o ni nofoaga faapitoa ia tatou te aoao ai e uiga i le Tama Faalelagi ma Iesu Keriso (tagai 2 Nifae 12:3). Fai lau oe lava malumalu! Gagau se fasipepa i ni vaega se tolu. Oti se pito se tasi i se tafatolu. Toe tatala le pepa ma tusi lou ata i le ogatotonu.

Mo tamaiti laiti: Tilotilo faatasi i se ata o se malumalu. Talanoa pe mafai faapefea ona e lagonaina le alofa i le maota o le Atua e pei lava o totonu o lou lava aiga.

4–10 Mati

Usuina o Molimau

Mo le 2 Nifae 20–25

alt text

Sa faasoa mai e Isaia lana molimau ia Iesu Keriso. Sa ia fetalai o Iesu o lona malosi ma lana pese (tagai 2 Nifae 22:2). O a pese e uiga ia Iesu e te fiafia i ai? Talanoa pe aisea e te fiafia i ai. Ona usu faatasi lea!

Mo tamaiti laiti: Usu faatasi le pese “Ta’u Mai Tala ia Iesu” (Tusipese a Tamaiti, 36). Tuu atu i lau tama e uu i luga se ata o Iesu i taimi taitasi e ta’ua ai o Ia i le pese.

11–17 Mati

Lea Fuaitau i luga o Lea Fuaitau

Mo le 2 Nifae 26–30

alt text

E fesoasoani le Tama Faalelagi ia i tatou e aoao “lea fuaitau i luga o lea fuaitau,” pe fai sina mea itiiti i lea taimi ma lea taimi (2 Nifae 28:30). Faamatala faatasi se tala faatusipaia e sili ona fiafia i ai ia tasi le laina i le taimi! E feauauai tagata uma e fai mai se fuaiupu se tasi o le tala seia maea le tala.

Mo tamaiti laiti: E fesoasoani le Tama Faalelagi ia i tatou e aoao e uiga ia Iesu Keriso. Susue i le itulau 48 ma feauauai e valivali le ata ia tasi se vaega o le ata i le taimi.

18–24 Mati

Laasaga e Mulimuli ai ia Iesu

Mo le 2 Nifae 31–33

alt text

Na aoao mai Nifae e faapea, tatou te mulimuli ia Iesu Keriso pe a tatou faatuatua ia te Ia, salamo, papatisoina, maua le meaalofa o le Agaga Paia, ma tumau e oo i le iuga (tagai 2 Nifae 31). Tusi laasaga taitasi i se isi fasipepa, ona faasalalau lea i luga o le fola. E moeiini mata o se tasi tagata ma faitau i le 10 a o tutu uma isi tagata i luga o se pepa. Ona fai mai lea o le tagata na faitauina se tasi o laasaga e mulimuli ai ia Iesu. E sosoo ai ma le faitauina e le tagata o loo i luga o lena pepa.

Mo tamaiti laiti: Pe a tatou faatuatua ia Iesu Keriso, tatou te mulimuli i mea ua Ia fetalai mai ai. Fai se laina ma savali solo. O le tagata o loo i luma o le taitai lea. E kopi e tagata taitasi le auala e savali ai le taitai. Feauauai e avea ma taitai!

25–31 Mati

Lili o le Eseta

Mo le Eseta

alt text

Ona o Iesu Keriso, o le a tatou toe ola pe a mavae le oti (tagai Alema 40:22–25). Fai le meataulima o le lili o le Eseta i le itulau e 17. Tuu au lili i le mea e mafai ona vaai i ai lou aiga e fesoasoani ia te oe e manatua ai le Faaola i lenei vaiaso.

Mo tamaiti laiti: Faitau e uiga i le Eseta i le itulau e 46. Tuu atu i lau fanau e faasino i ata taitasi o Iesu a o e faitau.

Tala PDF

O ata na tusia e Katy Dockrill