O le a le Pepa Faataga o le Malumalu?

Ata na tusia e Rachel Ericson

O le tausaga e atoa i ai lou 12, e mafai ona e feiloai ma lou epikopo po o le peresitene o le paranesi mo se faatalanoaga o le malumalu. Afai tou te lagonaina uma ua tou saunia ma agavaa, o le a ia tuuina atu ia te outou se pepa faataga o le malumalu. O lenei fasi pepa ua faaalia ai ua e agavaa e alu i totonu o le malumalu.

Malumalu o Port Moresby Papua Niu Kini

O le uluai malumalu lenei i Papua Niu Kini.
Seia oo ina tatala, e tatau i tagata o le ekalesia ona malaga i le vaalele e asiasi i se malumalu mamao.
Sa alalaga fiafia tagata i Papua Niu Kini ma fetagisi i le olioli ina ua fofogaina mai le malumalu.

Malumalu o Montevideo Iurukuei

O le malumalu muamua lenei ua fausia i Iurukuei.
O le uluai malumalu lea na faapaiaina ina ua mavae le tausaga e 2000.
E silia ma le 24,000 tagata na asiasi atu i le fale tatala o le malumalu!