“O Se Faataitaiga Lelei,” Uo, Mati 2024, 32.
Uo i le Uo
O Se Faataitaiga Lelei
Mai se faatalatalanoaga ma Haley Yancey.
Sa le o a’u o se tagata o le Ekalesia a o o’u laitiiti. Ana ou le avea ma se tagata matua ma se tagata faipisinisi ou te le papatiso.
O lo’u tama foi o se tagata faipisinisi. Sa popole tele o ia ina ua ou auai i le Ekalesia. Sa ia fai mai, “E te le toe inu ava malosi. O le a faigata lena mea i fonotaga lea e inupia faatasi ai tagata uma.”
Ae sa ou le popole. Sa tonu ia te a’u afai e ofo mai e se tasi ia te a’u le ava malosi, o le a ou faapea atu, “Leai, faafetai.” Ona ou okaina lea o se isi mea.
Na mavae tausaga, ma sa ou faia lenei mea i le tele o taimi. Ina ua mavae sina taimi, sa maitauina e a’u uo faigaluega. Afai e ofoina mai ia te a’u le ava malosi, latou te fai mai, “E le inu Mathias. Aumai ia te ia se isi mea.” E toatele i latou na taofia foi le okaina o ava malosi. “Ou te le manao foi i ai,” sa latou fai mai ai.
I se tasi taimi, na o mai ai nisi o tagata asiasi mai i se fonotaga. Sa na o i latou lava sa inu ava malosi.
Sa latou fesili mai ia te a’u, “Aisea e le inu ai e se tasi le ava malosi? O i latou uma ea o tagata o lau ekalesia?”
“Leai,” na ou fai atu ai.
Ou te lei talai atu i a’u uo faigaluega e uiga i le Upu o le Poto. Sa nao na ou mausali i o’u talitonuga, ma sa latou maitauina la’u faataitaiga.
E mafai foi ona avea oe ma se faataitaiga lelei. O le a maitau e isi pe a e filifilia le mea sa’o. E mafai ona e faamalosia ia i latou e ala i le ola ai i le talalelei.
Ata na tusia e Matt Smith