Ngaahi Sitika Malimali ʻe Hongofulu Mā Uá

Fai ʻe Ray Goldrup

(Makatuʻunga ʻi ha talanoa moʻoni)

ʻE lava nai ke fakakakato ʻe ʻAnitoni ʻa e tukupaá?

1. First spot illustration is of the figure, Antonio, entertaining his little brother Zach. Antonio is probably 7-9 years old and Zach is perhaps 1 year old. 2. Second spot illustration is of Antonio catching a spider. His sister is in the background looking scared. 3. Third spot illustration is of Antonio with his next door neighbor, Mr Wakefield. They are weeding a garden. Mr Wakefield is older. and he might be wiping the sweat off his brow.

Naʻe pehē ange ʻe he faiako Palaimeli ʻa ʻAnitoní, “ʻOku ʻi ai haʻaku tukupā maʻamoutolu. Ko e founga ʻe taha ke tau hangē ai ko Sīsuú ko hono tokoniʻi e niʻihi kehé. Ko ia, feinga ʻi he uiké ni ke tokoni ki he kakai tokolahi taha te ke lavá.”

Naʻá ne ʻoange ki he tokotaha kotoa pē ha laʻipepa mo ha ngaahi sitika malimali ʻe 12. “Ko e taimi kotoa pē ʻokú ke tokoniʻi ai ha taha, ʻai ha fofonga malimali ʻi hoʻo laʻipepá. Pea ʻomi leva hoʻo pepá ki he kalasí ʻi he uike kahaʻú.”

Naʻe fiefia ʻa ʻAnitoni ke ngāueʻi e tukupaá. Ka naʻe faingataʻa ange ia ʻi he meʻa naʻe fakakaukau ki aí. Ne ʻikai fuoloa mei ai kuo ʻosi e Tuʻapulelulú, pea naʻe teʻeki ai pē ke ʻi ai ha sitika ia ʻi heʻene pepá. Naʻá ne lotu ʻo pehē, “Tamai Hēvani, kātaki ʻo tokoni mai ke u kumi ha taha ke tokoniʻi.”

ʻI he pongipongi hono hokó, naʻe talaange ʻe ʻAnitoni ki he Fineʻeikí fekauʻaki mo e tukupaá. Naʻá ne pehē ange, “ʻOku ʻikai ke u ʻilo pe ko hai te u tokoniʻí!”

ʻI he taimi pē ko iá, naʻe kamata ke tangi e kiʻi tokoua siʻisiʻi ʻo ʻAnitoní. Naʻe pehē ange ʻe ʻAnitoni, “Te u lava ʻo tokangaʻi ʻa Sake lolotonga hoʻo ngaohi e meʻatokoni pongipongí.”

Naʻá ne ʻai ha ngaahi fofonga fakaoli. Ne ʻikai fuoloa kuo malimali mo makiʻikiʻi ʻa Sake.

Naʻe pehē ange ʻe he Fineʻeikí, “Kapau ʻoku ʻikai feʻunga ia mo ha fofonga malimali, ʻoku ʻikai ke u ʻilo ʻe au pe ko e toe hā ha meʻa!”

Hili e maʻu meʻatokoni pongipongí, naʻe fufulu ʻe ʻAnitoni ʻa e ʻū peletí. Naʻá ne toʻo ha kiʻi hina mei he loki mohe hono tuofefiné. Fofonga malimali ia ʻe ua!

1. First spot illustration is of the figure, Antonio, entertaining his little brother Zach. Antonio is probably 7-9 years old and Zach is perhaps 1 year old. 2. Second spot illustration is of Antonio catching a spider. His sister is in the background looking scared. 3. Third spot illustration is of Antonio with his next door neighbor, Mr Wakefield. They are weeding a garden. Mr Wakefield is older. and he might be wiping the sweat off his brow.

ʻI he tuku ʻa e akó naʻe tokoni ʻa ʻAnitoni ki he Tangataʻeikí ke kaukauʻi ʻenau kulī ko Leitā ʻi tuʻa. ʻI heʻena ʻosí, naʻe tuuʻi ʻe Leitā ʻa e vaí mei hono fulufulú. Naʻe kata ʻa ʻAnitoni mo e Tangataʻeikí.

Naʻe fakatokangaʻi atu leva ʻe ʻAnitoni ʻa Mr. Uikifila ʻi he kauhala ʻe tahá ʻokú ne taʻataʻaki vaó. “Tangataʻeiki, ʻe lava ke u tokoni kiate ia? Hangē ʻokú ne fuʻu ʻafuʻia mo ongosiá.”

Ne pehē ange ʻe he Tangataʻeikí, “Ko ha fakakaukau lelei ia.” ʻI he ʻosi ʻa e vaó, naʻe malimali ʻa Mr Uikifila.

1. First spot illustration is of the figure, Antonio, entertaining his little brother Zach. Antonio is probably 7-9 years old and Zach is perhaps 1 year old. 2. Second spot illustration is of Antonio catching a spider. His sister is in the background looking scared. 3. Third spot illustration is of Antonio with his next door neighbor, Mr Wakefield. They are weeding a garden. Mr Wakefield is older. and he might be wiping the sweat off his brow.

Ne aʻu ki he Tokonakí, naʻe ʻi ai ha fofonga malimali ʻe 11 ʻa ʻAnitoni ʻi heʻene pepá. Naʻá ne fiemaʻu ha toe meʻa pē ʻe taha ke fakaʻosi ʻaki e tukupaá! Naʻe talaange ʻe he Fineʻeikí te na ʻaʻahi ki he tokoua ʻo ʻene Kui Tangata Ua ko Felenisisikoú, ʻa ia naʻe nofo ʻi ha ʻapi ʻo e kau vaivaí. Naʻe maʻu ai ʻe ʻAnitoni ha fakakaukau! Naʻá ne toʻo hake ʻene kalá ʻo tā ha ngaahi fakatātā lahi.

ʻI heʻena aʻu ki aí, naʻe ʻoange ʻe ʻAnitoni ki he tokoua ʻo ʻene kuí ha fakatātā ʻo e tō ʻa e laʻaá. Naʻe kiʻi malimali ange ʻa e tokoua ʻene kuí kia ʻAnitoni. Naʻe ʻoange leva ʻe ʻAnitoni ʻa e toenga ʻo e ngaahi fakatātaá ki he kakai kehe naʻa nau nofo aí. Naʻe lahi ʻaupito ʻa e malimali fiefia ʻi aí.

ʻI heʻena foki ki ʻapí, naʻe pehē ange ʻe he Fineʻeikí, “Te ta lava ʻo tuʻu atu ʻi ha falekoloa ke toe [fakatau] mai ha ngaahi sitika malimali, kapau ʻokú ke fiemaʻu.”

Naʻe pehē ange ʻe ʻAnitoni, “Naʻe ʻikai ke u fai iá ke toe maʻu mai ha ngaahi sitika lahi ange. ʻOku ou saiʻia ʻi hono ʻai ke fiefia ʻa e kakaí.

Pea ʻoku fiefia ai ʻa e Tamai Hēvaní mo Sīsū!” Ko e Tangataʻeikí ange ia.

Naʻe pehē ange ʻe he Fineʻeikí, “Hangē ʻokú ke fiefia foki mo koé.” Naʻe malimali lahi ʻaupito ʻa ʻAnitoni pea mamahi hono kouʻahé.

Naʻe fakahoko ʻa e talanoá ni ʻi he ʻIunaiteti Siteití.

Friend Magazine, 2023-02 Feb

Ngaahi tā fakatātā ʻa Conner Gillette