Mālō e Lelei mei Suēteni!

Ako fekauʻaki mo e fānau ʻa e Tamai Hēvaní ʻi he funga ʻo e māmaní.

An illustration with the flag of Sweden rising up out of a darkened area of the map which is the country of Sweden.

Ko Suētení ko ha fonua ia ʻi he Fakatokelau ʻo ʻIulopé. ʻOku nofo ai ha kakai ʻe meimei toko 10.5 miliona.

Ko e ʻAlu ki he Lotú

A family boarding a train in Sweden.

ʻOku tokolahi ha kakai ʻi Suēteni ʻoku nau heka lēlue ke ō ki ha ngaahi feituʻu, kau ai e taimi ʻoku nau ō ai ki he lotú.

Vaeua ʻo e Faʻahitaʻu Māfaná

A Swedish midsummer celebration showing people dancing around a poleand kids with flower crowns.

Ko e vaeua ʻo e faʻahitaʻu māfaná (midsummer) ko e taha ia ʻo e ngaahi ʻaho mālōlō lahi taha ʻo Suēteni. ʻOkú ne fakaʻilongaʻi ʻa e kamataʻanga ʻo e faʻahitaʻu māfaná. ʻOku tui ʻe he kakaí ha kalauni matalaʻiʻakau, hiva, kai, mo hulohula takai ʻi ha fuʻu pou kuo ʻosi teuteuʻi.

Vaotā Fakaʻofoʻofa

Family hiking in the forests of Sweden.

ʻOku kāpui ʻe he vaotaá ha vahe tolu ʻe ua ʻo Suēteni!

Ngaahi Lea Fakafonua ʻa e Kaungāʻapí

Swedish sign that says Välkommen till Sverige (Welcome to Sweden).

Ko Suēteni, Tenimaʻake mo Noaue ko ha ngaahi fonua kaungāʻapi mo ha ngaahi lea fakafonua tatau. ʻE lava foki ke mahino ki he kau lea faka-Suēteni tokolahi ʻa e lea faka-Tenimaʻaké mo e faka-Noaué foki.

Temipale Stockholm Sweden

Illustration of the Stockholm Sweden Temple.

Naʻe ʻosi e temipale fakaʻofoʻofa ko ʻení ʻi he 1985. ʻI he 1995, naʻe takimamataʻi ʻe Palesiteni Tōmasi S. Monisoni ʻa e tuʻi mo e kuini ʻo Suētení ʻi he kelekele [o e temipalé].

Kupá

Illustration of the Swedish game of Kubb

Ko ha tatau ʻeni ʻo ha vaʻinga faka-Suēteni ʻi tuʻa te ke lava ʻo vaʻinga ai. Fokotuʻu ha konga papa ʻe 10 ʻi ha laine ʻe ua, pea ʻai ke nau vāmamaʻo. Fokotuʻu ha konga papa lahi ange ʻi lotomālie ke hoko ko e “tuʻí.” Vahevahe ki ha timi ʻe ua. ʻOku taufetongi ʻa e tokotaha kotoa ʻi hono lī ha foʻi pulu pe tokotoko papa ki he ngaahi foʻi poloka ʻa e timi ʻe tahá ke nau tō ki lalo. ʻI he tō kotoa ʻa e ngaahi foʻi poloká, ʻoku feinga ʻa e timí ke nau ʻai ke tō ki lalo ʻa e tuʻí ke nau ikuna. Kae tokanga—kapau te mou ʻai ʻo tō ʻa e tuʻí ki lalo kimuʻa ʻoku teʻeki tō kotoa ki lalo ʻa e toenga ʻo e ngaahi foʻi poloká, te mou foʻi!

Polotini [protein] mālohi

ʻOku fiemaʻu ho sinó ʻa e polotini ke tupu moʻui lelei mo mālohi. Te ke lava ʻo maʻu ha ivi mei he kakanoʻi manú, fuaʻimoá, natí, pīní, mo e meʻakai tahí.

Köttbullar (Kakanoʻi manu faka-Suēteni)

Swedish dish of meatballs, gravy, mashed potatoes, jam, and cucumbers.

1. Fakavai ʻi ha poulu lahi, ha moʻmoʻi mā 3/4 ʻo ha ipuʻi ha ipu huʻakau ʻe 1 1/4 ʻi ha ngaahi miniti siʻi.

2. Tuifio ʻa e kakanoʻi pulu pe puaka pauni ʻe 1 (450 g) mo e, fuaʻimoa ʻe 1, onioni ʻe 1 (kuo ʻosi tongitongi), mo ha kiʻi meʻi māsima, pepa, mo e meʻa fakaifoifo fakataha mo e momoʻi mā [ne ʻosi fio mo e huʻakaú].

3. Fakafuopotopotoʻi ʻa e meʻa kuo tuifió ʻo hangē ha fanga kiʻi foʻi pulú.

4. Taʻo ʻi he mafana ko e 400°F (205°C) ʻi ha miniti ʻe 20-25 kae ʻoua leva kuo lanu melomelo e ngaahi kakanoʻi manú [meatballs].

5. Kai ʻaki e kelevi melomelo, pateta oʻi, mo e siamu, founga faka-Suēteni!

Ko e hā e meʻa ʻokú ke fie fakahoko ke ke moʻui lelei aí?

Tohi ʻo tala mai kiate kimautolu!