Ko e Hā ʻOkú Ke Fakakaukau Ki Aí?
ʻOku ou faʻa ongoʻi ʻita mo loto mamahi ʻi ha ngaahi meʻa. Te u lava fēfē nai ʻo fiefia ange?
—Loto mamahi ʻi Ulaisani
Siʻi Loto Mamahi,
ʻOku tau maʻu ha ngaahi ongo fakaeloto kehekehe. Mahalo te tau ongoʻi hohaʻa, fiefia, ʻita, loto mamahi, pe fakaoli—pea taimi ʻe niʻihi ʻoku nau hoko kotoa ʻi ha ʻaho pē ʻe taha! Ko ha meʻa angamaheni pē ʻeni mo lelei.
Ko e meʻa ʻe taha ʻe lava ʻo tokoni ke tau ongoʻi fiefia ange aí ko e loto houngaʻiá. Te tau lava ʻo houngaʻia ʻi ha Tamai Hēvani ʻoku fakafanongo maʻu pē pea mo ha Fakamoʻui ʻokú Ne ʻofa mo tokanga mai kiate kitautolu. Kapau ʻokú ke faʻa ongoʻi loto mamahi, ko ha fakakaukau lelei ke talanoa ki ha taha lahi falalaʻanga fekauʻaki mo ia.
ʻOfa atu,
Ko e Kaumeʻá
Fai ʻa e Vaʻinga ʻo e Loto Houngaʻiá!
Mateuteu nai ke maʻu ha loto houngaʻia lahi ange? Puke ha foʻi lulu [dice], vilohi ia, pea muimui ki he ngaahi fakahinohino ʻi he tafaʻaki ʻo e mataʻifika naʻá ke tekaʻí. Ko e lahi ange e ngaahi tāpuaki te ke fekumi ki aí, ko e lahi ange ia e meʻa te ke ʻiló!
-
Hiki ha ngaahi meʻa ʻe nima kuo foaki atu ʻe he Tamai Hēvaní maʻau.
-
Hivaʻi ʻa e “ʻOku ʻOfa ʻEku Tamai Hēvaní ʻIate Au” (Tohi Hiva ʻa e Fānaú,16–17).
-
Fakamatala pe tohi fekauʻaki mo ha meʻa lelei naʻe hoko he ʻahó ni.
-
Lau ʻa e Tokāteline mo e Ngaahi Fuakava 78:19.
-
Talamai ha meʻa ʻokú ke saiʻia ai fekauʻaki mo koe.
-
Tā ha fakatātā ʻo ha meʻa ʻokú ke houngaʻia ai.