Ngaahi Kaungāmeʻa ʻi he Mālōlō Siʻí

Fai ʻe Gayle Kinney-Cornelius

(Makatuʻunga ʻi ha talanoa moʻoni)

Naʻe ʻikai saiʻia ʻa Seisoni he vaʻinga soká ʻo hangē ko e tamaiki kehé.

Story about a boy who would rather read at recess than play soccer with the other kids . . . He finds other friends that also are not interested in playing soccer and the three of them play checkers at recess. Illustration inlcudes: · Jason sitting under a shady tree reading · Kira reading, sitting at a picnic table · Mark sitting on the ground “twirling some grass” · Kids off to the right playing soccer · Inset scene of Jason, Kira and Mark at recess playing checkers

ʻI he taimi mālōlō siʻi ʻa e akó ʻi he ʻaho kotoa pē, naʻe tangutu ʻa Seisoni ʻi ha lalo ʻakau malumalu ʻo lau ha tohi. Naʻe vaʻinga soka ha tokolahi ʻo e toenga ʻo e fānaú. Ne vaʻinga ʻa Seisoni mo kinautolu kimuʻa, ka naʻe ʻikai ke ne fuʻu saiʻia ai. Naʻe ʻikai ke fuʻu sai ʻene lelé pe ko hono ʻakahi e foʻi pulú. Pea naʻe ʻikai ke ne ongoʻi fiemālie ʻi heʻene feohi mo ha fānau tokolahi mo ʻenau kaikailá.

Ka naʻe ʻikai saiʻia ʻa Seisoni ia he ongoʻi tuenoá mo ʻikai kau atú. Naʻe hangē naʻe fuʻu fiefia lahi e toenga ʻo e fānaú! Naʻá ne fie fiefia foki mo hono ngaahi kaungāmeʻá.

ʻI ha ʻaho ʻe taha ʻi he mālōlō siʻí, ne hanga hake ʻa Seisoni mei heʻene tohí. Naʻá ne fakatokangaʻi ʻa e tangutu ʻa Keila ʻi ha tēpile kai, ʻo laukonga. Hili iá naʻá ne fakatokangaʻi ʻoku ʻakahi ʻe Maʻake ha foʻi maka ki ha holisi. Ko e hā naʻe ʻikai ke nau vaʻinga soka ai ʻo hangē ko e niʻihi kehé?

ʻI he ʻaho hono hokó, ne toe siofi pē ʻe Seisoni. Naʻe laukonga ʻa Keila ʻi he tēpile kaí, ʻo hangē pē ko e ʻaneafí. Naʻe tangutu ʻa Maʻake ʻi he kelekelé. Naʻá ne taʻataʻaki musie. Ne toe foki ʻa Seisoni ʻo laukonga. Naʻá ne sio pē kia Keila mo Maʻake. Mahalo naʻa nau saiʻia foki ʻi hono fai ha ngaahi meʻa fakalongolongo.

ʻI he hoʻatā ko iá, ne talanoa ai ʻa Seisoni ki he Fineʻeikí. Naʻá ne pehē, “ʻOku ou lau ha tohi ʻi he ʻaho kotoa pē ʻi he mālōlō siʻí. Ka ʻoku vaʻinga soka ʻa e tamaiki kehé.”

“‘Oku ‘ikai ke kovi ia.” Naʻe malimali ʻa e Fineʻeikí. “Naʻá ku pehē pē au ʻi he taimi naʻá ku taʻu tatau ai mo koé. ʻO laukonga maʻu pē.”

Naʻe malimali foki mo Seisoni. Naʻá ne saiʻia ʻi he taimi naʻá ne lau fakataha ai mo e Fineʻeikí ha ʻū tohí.

Naʻe pehē ange ʻe Seisoni, “Naʻá ku pehē ko au toko taha pē naʻe ʻikai ke saiʻia he soká. Ka ʻoku ʻi ai mo ha ongo tamaiki kehe ʻoku ʻikai ke na vaʻinga.” Naʻá ne fakamatala ki he Fineʻeikí fekauʻaki mo Keila mo Maʻake.

Naʻe pehē ange ʻe he Fineʻeikí, “Mahalo pē te ke hoko ko hona kaungāmeʻa.”

Ne kamokamo pē ʻa Seisoni. “Mahalo pē. Ka ʻoku ʻikai ke u ʻilo e meʻa ke fakahoko mo kinauá.”

Naʻe pehē ange ʻe he Fineʻeikí, “Sai, ʻokú ke saiʻia mo Keila he laukongá, ka ko e meʻa ia ʻokú ke fakahoko toko taha pē. Ko e hā mo ha toe meʻa ʻokú ke saiʻia ke fakahoko?”

Naʻe pehē ange ʻe Seisoni, “ʻOku ou saiʻia ʻi he veimaú. Pea ʻoku ʻi ai ha papa veimau ʻi ʻapiako.”

Naʻe pehē ange ʻe he Fineʻeikí, “Hmm. “Ko e hā te ke lava ʻo fai ʻaki e papa veimau ko iá? Mahalo pē ʻi he mālōlō siʻí?” Naʻá ne ʻai ke pehē ʻoku kiʻi fakakaukau ki ai.

Ne kata ʻa Seisoni. “ʻOku ou tui ʻoku ʻi ai haʻaku fakakaukau.”

ʻI he ʻaho hono hokó ʻi he tā ʻa e fafangú ʻi he mālōlō siʻí, naʻe toʻo ʻe Seisoni ʻa e seti veimaʻú. Naʻá ne lue atu ki he tēpile kai naʻe laukonga ai ʻa Keilá. ʻI heʻene (Keila) sio haké, naʻá ne (Seisoni) puke hake ʻa e meʻavaʻingá. “ʻOkú ke fie kamata ha feʻauhi?”

Story about a boy who would rather read at recess than play soccer with the other kids . . . He finds other friends that also are not interested in playing soccer and the three of them play checkers at recess. Illustration inlcudes: · Jason sitting under a shady tree reading · Kira reading, sitting at a picnic table · Mark sitting on the ground “twirling some grass” · Kids off to the right playing soccer · Inset scene of Jason, Kira and Mark at recess playing checkers

Naʻe pehē ange ʻe Keila, “Mahalo pē. Ka ʻokú ta toko ua pē.”

Naʻe pehē ange ʻe Seisoni, “Kiʻi tatali angé.” Naʻá ne lele kia Maʻake, ʻa ia naʻe toe tangutu pē ʻi he musié.

Naʻe pehē ange ʻe Seisoni, “ʻEi, Maʻake, ʻOkú ke fie veimau? Te tau lava ʻo kamataʻi ha feʻauhi.”

Naʻe malimali ʻa Maʻake. Naʻá ne pehē ange, “ʻOku ou veimau mo ʻeku tangataʻeikí. ʻOku [lelei pē ʻeku vaʻingá].

“SAI IA!” Naʻe malimali ange ʻa Seisoni. “Ta ʻalu ʻo vaʻinga.”

Naʻe hoko ʻa e talanoá ni ʻi he ʻIunaiteti Siteití.

Friend Magazine, 2023-02 Feb

Ngaahi tā fakatātā ʻa Joanne Lew-Vriethoff