Sega soti ni Galili
A diva o Damián me ratou lako vata kece mai i lotu na nona matavuvale.
A vakararai o Damián ena nona kato dreketi me raica ni sa tiko kece vua na veika e gadreva. iSulu ni Lotu? iToqa iVava? iToqa iVola i Momani? iToqa A sogota na nona katodreketi, dreketa e tabana, ka gole yani ki katuba.
“Na!” A kaci o Damián. “Au sa lako vei Abuela kei Abuelo!”
A lobika tiko o Na na itauwelu. “Nanuma matua mo vukei rau na tubumu.” A tu vakadua o koya me mokoti Damián. “Au kila ni o dau taleitaka mo lako vata kei rau ki lotu. Me dua na gauna taleitaki vei iko na siga ni mataka.
“Io ena vakakina!” a kaya o Damián. Ia au diva me rawa ni o lako vata kei au, a vakasamataka o koya.
A taubale yani o Damián ki na ikelekele ni basi. Ena vei Vakarauwai taucoko, e dau vodo basi kosova na nona tauni mai Ecuador ki na vale nei Abuela kei Abuelo. E dau tiko kei ratou ena bogi. Ratou dau lako vata i lotu ena siga ka tarava.
Ena mataka ni Sigatabu, a vakaisulu ni lotu o Damián. A bulukautaka na nona sote. A daramaka na nona ivava. Ka qai taubale i lotu vata kei Abuela kei Abuelo.
E taleitaka na lotu o Damián. E dau taleitaka me lagata na sere kei na vakayagataki ni sakaramede. E dau taleitaka me raici ira talega na nona itokani. Ia a diva me ratou a tiko vata kei koya na vo ni nona matavuvale.
Ena yakavi oya, e ratou a gole yani o Damián, Abuela, kei Abuelo ki na vale nei Baraca kei Sisita Ruiz. E ratou na lotu vakamatavuvale vata. A kauta mai o Abuela e dua na veleti ivakalomavinaka.
Na lesoni a baleti Jisu. A rokataka o Damián e dua na iyaloyalo kei Jisu ni vakarorogo tiko ki na lesoni. “E kila vinaka o Jisu na veika kece eda vakila,” e kaya o Baraca Ruiz. “Ena gauna mada ga eda yalorarawa kina.”
A raica o Damian na nona iyaloyalo kei Jisu. E vakamarautaki koya ni kila o Jisu na veika e vakila.
Ni oti na masu ni suka, a kaya o Abuela, “Au kauta mai eso na pai. O cei e vinakata eso?”
“O Au!” A kaya o Damián. Na ivakalomavinaka kirimu, kamica ka dau taleitaka o Damián! Ka dau cakava o Abuela na pai kana vinaka duadua.
Ni oti na lotu vakamatavuvale, a taubale vata kei Damián o Abuela ki na ikelekele ni basi me rawa ni lako i vale. A raica sobu na qele o Damián.
“E vakaevei, e dua beka na leqa?” A taroga o Abuela.
A vakaveveku mata o Damián. “Au diva me ratou lako vata mai kei kedatou ki lotu na vo ni noqu matavuvale.”
“O au talega,” a kaya o Abuela. A mokoti Damián. “Ia na nomu matavuvale e lomani iko vakalevu sara. Ka vakakina o Abuelo kei au kei ira e vuqa tale!”
A kele mai na basi. A dabe toka ena katubaleka o Damián ka yaloyalo vei Abuela ni sa gole yani na basi.
A vakasamataka o Damián na veika a tukuna o Abuela. A vakasamataki Na kei tacina kei ganena. E kila ni ratou lomani koya vakalevu sara. A qai vakasamataka na nona qasenivuli ni Lalai. Kei na matavuvale na Ruiz. Kei Abuela kei Abuelo. E ratou lomani koya talega.
Kena bibi duadua, e kila o Damián ni rau lomani koya na Tamada Vakalomalagi kei Jisu. Ka sa yaco kina me sega tale ni galili vakalevu
Droini mai vei Julissa Mora