Veivukei me Vakataki Jisu

E Dau Vukei ira na Tamata era Gadreva tu na Veivuke o Jisu

Jesus helping up a sick man

Ena gauna a tiko voli kina e vuravura o Koya, e a veivakabulai o Jisu vei ira na tamata era tauvimate. A vakani ira tamata era via kana. A veivakacegui ira na tamata era galili.

A vakavulici iratou talega na Nona tisaipeli o Jisu me ratou vukei ira na tani. A kaya o Koya ni dodonu me ra solia na kakana, wai, kei na isulu vei ira na tamata era gadreva tu. A tukuna vei ira me ra sikovi ira na tamata era tiko duadua. E kaya o Jisu ni gauna era qaravi ira kina na tani, e vaka ga ni ra sa qaravi Koya tiko.

Sa rawa mo wilika na italanoa oqo ena Maciu 25:35–40.

boy carrying firewood

Na noqu matavuvale e dau veiqaravi vei Sisita Rosa. Sa yabaki 90 o Sisita Rosa, ka sega kina ni rawa ni biuta na nona vale. Au dau vukei Ta me vakavodoka ka kauta na buka vei Rosa.

Ignacio G., yabaki 9, Canelones Department, Uruguay

Au Rawa ni Vukei Ira Era Vakaleqai Tu

• O cei o ni kila e gadreva tu na veivuke?

• Cavuta e dua na masu ka biuta vata e dua na ituvatuva mo vukei ira kina.

• Vakamuria na nomu ituvatuva!

• Kotiva na kadi oqo me veivakananumi iko mo dau veivukei me vakataki Jisu.

O sa veivuke tiko vakacava vei ira na tani, me vakataki Jisu? Vola ka tukuna mai vei keitou.

Page from the January/February 2022 Friend Magazine.

Droini mai vei Sarah Keele