Muri Jisu Vata Tiko
E dua na Lalai e Denbighshire, Welesi, era a bulia vata na iyaloyalo oqo ni iMatai ni Raivotu!
Au dau wilika na noqu ivolanikalou e veisiga me‘u vulica kina e dua na ka vou. Au sa nanamaki tiko me‘u na la‘i kaulotu!
Rashad E., yabaki 10, West Virginia, Amerika
E dau yacovi au na yalo nuiqawaqawa. A solia vei au o tinaqu eso na vakasama ka vakavuna me kino, ia e sega ni lako tani sara. Au a masuta na veivuke, ka sa tekivu me waicala na noqu lomaleqa!
Felix G., yabaki 10, California, Amerika
Au a ukutaka e dua na kateni ka vakasinaita ena tavaya wai kei na ivakatakata ni liga me baleti ira na dau kau iyaya era sikova mai na neitou itaba vale. Au tovolea me‘u veiqaravi me vakataki Jisu!
Ellie Rose M., yabaki 6, Niu Ioka, Amerika
Keimami a vulica tiko na veika me baleti Saskatchewan e koronivuli. Au a wasea vei ira na noqu lewe ni kalasi kei na qasenivuli ni o ganequ e veiqaravi tiko vakadaukaulotu e kea!
Jacob S., yabaki 7, Alberta, Canada
Keimami a bulia na vei waqa eso! E dua vei ira na waqa oya era soko mai kina na tubui keirau ena gauna era biuvanua kina mai Sweden me ra gole mai ki Amerika ena ono na itabatamata sa oti.
Aksel and Declan M., yabaki 6 kei na 9, North Carolina, Amerika
Au a rogoca eso na vosa ca, ka vakavuna me‘u yalo rarawa kina. Ni‘u yaco yani i vale, au a masuta na veivuke me‘u guilecava na veivosa oya. A sauma na Tamada Vakalomalagi na noqu masu.
Emree H., yabaki 16, Oregon, Amerika
E dua vei ira na noqu lewe ni kalasi e a dau rere na lako i vuli. Au dau lako mai vakamataka caca ena veisiga me‘u waraki koya me kua kina ni tiko duadua. Na veivuke vei ira na tani e dau vakamarautaki au baleta ni‘u sa muri Jisu tiko.
Fang Z., yabaki 6, Hsinchu, Taiwan
Emmy S., yabaki 8, Michigan, Amerika
Madeline H., yabaki 9, Ulaanbaatar, Mongolia
“Noqu Matavuvale,” Janus C., yabaki 7, New South Wales, Ositerelia