Veivuke Yani o Carolina
E rawa vakacava ni vukei nona itokani o Carolina?
A tovolea o Carolina me vakarorogo vei nona qasenivuli. Ia a sega ni tarova rawa na nona raici nona itokani tiko yani o Ramón. E sega ni dua na drauniuluna!
Sa oti qo e dua na gauna na kena sa mira tikoga mai na drauniuluna. Ena gauna oqo esa cou tu.
A rogoca o Carolina e dua na rorogo e dakuna. E rau a sosokiki toka o Cesar kei Luis. E a nuitaka o koya ni rau sega ni dredrevaki Ramón tiko.
Ena mataka taucoko oya, a vakalairoro voli ga na tabai Ramón. A sega ni laveta na ligana. E rarawa na kena irairai. A diva o Carolina me rawa ni vukei koya me yalo vinaka cake.
Sa qai yaco na gauna ni qito e tautuba. A imatai ni curu mai tuba mai valenivuli o Ramón. Ni yaco i tuba o Carolina, a sega ni raici koya ena dua na vanua! A sega ni qito soka tiko. A sega ni kabata tiko na ililili. Ka sega ni qito tiko ena hopscotch ena yasai qasenivuli.
Ya o koya! A duri tu o Ramón ena tutu ni rara. Ka rau tiko talega kina o Cesar kei Luis. A toro voleka yani o Carolina.
“Raica mada na levu ni nona qavokavoka!” E kailavaka o Cesar.
A dredre o Luis. “Au na toroya talega na uluqu ke sabalia tu vaya”
Sa qumia tu na nona ivacu o Ramón. E kena rairai ni sa voleka ni tagi.
A cici yani o Carolina vei Ramón. “O vinakata beka mo qito vata kei au?” a taroga. A dodoka yani na ligana, ka rau mai lako vata yani. E rau taubale tikoga me yacova ni rau sa voleka vua na qasenivuli. E sega ni dua ena vakaosoosotaki rau e kea.
“O via qito hopscotch?” A taroga o Carolina.
A deguvacu o Ramón. A droinitaka o koya na joke laini ena qele.
“E vakaivei o sa qai yalo vinaka?” a taroga o Carolina.
“Au sa qai yalo vinaka qo.” A matadredredre mai o Ramón. “Vinaka vakalevu na nomu vukei au.”
A matadredredre o Carolina. A marau ni a yaloqaqa me vukea na nona itokani!
Droini mai vei Hollie Hibbert