iTokani ki na iTokani

Veivukei me Vakataki Jisu

Mai vei Camille N. Johnson

Peresitedi Raraba ni Lalai

girl pushing young boy in stroller

Ni‘u a lewena voli na Lalai, a se gonelailai sara na ganequ, ka se gonedramidrami o taciqu. A osooso sara o tinaqu ena nona dau qaravi rau ena lomaloma ni siga, ka‘u dau vukei koya, ni‘u sa lesu ki vale mai koronivuli. Au dau biuti taciqu ena qiqi ka taubale wavokita na buloko vata kei koya, me vakavica vata. Keirau dau veitalanoataka vata na vuravura totoka oqo ka raica na manumanu vuka, na manumanu lalai, kei na nodra manumanu susu o ira ka tiko veitikivi kei keitou. E a dua na ka lailai, ia a vakavuna e dua na veisau levu! A vukei tinaqu me marau ka vakacegu. A vukea na noqu matavuvale taucoko. Oqo e dua na sala ni veivuke me vaka ni vinakata ko Jisu me da dau veivuke.

Mo Veivuke Vakacava?

Jesus with children

Me vaka ni o lewe ni Lalai, e rawa ni o vakayaco veisau mai na nomu veicakacaka lalai ka vakayacori ena yalololoma. Ni o vakayagataka na ligamu dauveivuke mo qaravi ira kina na tani, o sa matataki Jisu Karisito tiko. O sa vukei ira tiko eso me ra vakila na Nona loloma.

Vulica na italanoa kei Jisu. Qai tarogi iko, “Na cava ena cakava o Jisu?” Era tu wavoliti iko tu na tamata era gadreva tu na veivuke. Eso vei ira era tiko saraga ena nomu vale, se era tiko ena tai ni gaunisala kadua.

Ni o vakayaco ka lalai mo veivuke kina, ena vukei iko na Yalo Tabu mo vakila na vinaka e lomamu. O na kila ni o sa cakava tiko na veika ena vakayacora o Jisu.

Sa ka bibi talega me da ciqoma na veivuke mai vei ira na tani. Ni ra vukei keda na tani, eda rawa ni vakila talega na loloma ni iVakabula vei keda!

Au lomani iko! Au kila ni lomani kemuni o Jisu Karisito. O na vakila na Nona loloma ni ko vakayagataka na ligamu dauveivukei mo qaravi ira kina na tani.

Mo Tiki ni Timi ni Liga Dauveivukei!

• Ena ilavelave yadua ni iTokani, wilika me baleta e dua na gone ena Lalai ka veivuke tiko me vakataki Jisu (tabana e 6).

• Vulica e dua na sala a vukei ira kina na tani o Jisu (tabana e 8). Qai kotiva na kadi me vukei iko ena nomu veiqaravi.

• Mo wasea na sala o veivuke kina me vakataki Jisu se a vukei iko vakacava e dua! Vakalewena na tabana e ra ka vakauta mai vei keitou e dua na itaba kei na veivakadonui ni itubutubu. Gole ki na waqana e muri mo raica kina na kena icakacaka.

Na Ligamu Dauveivukei

Na veika kece e baleti iko

Yabaki ni Bula:

Mai na:

Vosa ni Vanua:

Matavuvale:

Takete kei na Tatadra:

Tukuna mada vei keitou e dua na gauna o a veivuke kina e vale se ena nomu itikotiko raraba:

Na cava o vakila ni o vukei ira na tani se ni o muri Jisu?

Nomu Veika Talei

Vanua:

Na italanoa me baleti Jisu

Sere ni Lalai:

Kakana:

Roka:

Na Lesoni e Koronivuli:

Vakalewena na tabana ka vakauta ki na iTokani.

Vakauta talega e dua na iyaloyalo, kevaka e rawa!

Page from the January/February 2022 Friend Magazine.

Droini mai vei Simini Blocker