sureta naTamata Kecega
E vakaitikotiko mai Utah, Amerika, o danivola.
E vinakata o Jarom me ratou lako mai ki na nona papitaiso na nona matavuvale taucoko.
“Au dau vinakata tu ga meu tiko vata kei na noqu matavuvale, ka sa vakaraitaka vei au na Turaga na sala meu rawata kina” ( iVolanisere niGonelalai, 188).
A dabe sobu o Jarom ena veico e mata ni marae nei nona nana. Sa voleka na gauna me tekivu kina na soqo ni nona matavuvale!
A rai cake yani ki na ceuceu damudamu e yasa ni vale. “Na, o dau cavuta vakacava na yacai Nana ena vosa vagalu?” a taroga. E a didivara o bui Jarom. Ena so na gauna era dau vakatovotovotaka na vosa vagalu me ra dau nanumi koya kina.
“Me vaka oqo,” e kaya o Tinaqu. A matanataka vakamalua na yaca ena ligana. A cakava talega vakakina o Jarom e ligana. E dau taleitaka me vulica na veika e baleta na nona matavuvale.
“Au via tovolea!” E dabe e yasadrau na tavalei Jarom o Kati. A matanataka tale o tinaqu na yaca.
“Vula mai oqo ena noqu papitaiso, e rawa beka ni da lagata e dua na sere ena vosa vagalu?” A kerea o Jarom.
“Io saraga,” a kaya o Na.
“Na cava na papitaiso?” A taroga o Kati.
E lewelevu ena matavuvale nei Jarom era sega ni lewena na Lotu i Jisu Karisito ni Yalododonu Edaidai? “Na papitaiso e dua na ka talei ena noqu lotu,” a kaya o Jarom. “Ni o cakava e dua na yalayala mo muri Jisu, ka yalataka o Koya me na vukei iko.”
“Totoka,” a kaya o Kati.
“O vinakata beka mo mai tiko ena noqu papitaiso? A kerea o Jarom.
“Io! A matadredredre o Kati. Sa qai vuki o Jarom ki vei tinana.
“E rawa beka ni tou kerei ira na vo ni tavalequ mera lako talega mai? Kei ira na noqu nei kei na momo?”
A deguvacu o Na. Au nanuma ni vakasama vinaka qori.”
Erau a kerea o Jarom kei Na vei ira na vo ni matavuvale mera gole mai ki na papitaiso. O ira na nei kei na momo era sega soti ni kila e dua na ka baleta na papitaiso. Ia era kila ni sa dua na siga talei vei Jarom. “Keimami na tiko yani kina!” era kaya.
Sa sivi yani e vica na macawa. Sa qai yaco mai na siga ni papitaiso nei Jarom! Ni curu yani ki valenilotu o Jarom, a matadredredre sara. E vakasinaiti na iyatu dabedabe yadua mai vei ira na lewe ni nona matavuvale!
A vosa taumada o tamai Jarom me baleta na papitaiso kei na isolisoli ni Yalo Tabu. A vosa talega me baleta na bibi ni matavuvale. “Eda sa marau vakalevu ena nona sa papitaiso nikua o Jarom. Ka keitou sa marau vakalevu ni tiko kei keitou na neitou matavuvale!” e kaya o koya. “Na cava na ka bibi duadua e vuravura?” a taroga. “Sai ira na tamata, na tamata, na tamata.”
Era matadredredre kece. Oya e dua na ivosavosa vaka-Maori era dau taleitaka kece.
Ni oti na vosa nei Ta, sa qai nodrau gauna o Jarom kei Na. Era lagata e dua na sere ni Lalai ena vosa vagalu. A vakila o Jarom ni voleka sara vei nona Nana.
Rau sa qai curu yani o Jarom kei Ta ki na tobu ni papitaiso. Ni duri tu e wai, a rai cake yani o Jarom vei ira kece na nona matavuvale. Veitavaleni, nei, momo. Era tu kece e kea!
A bobo na matai Jarom. A vakila o koya e dua na vakanananu raragi ka malua. A vakila ni vaka e dua e mokoti koya vakavinaka sara. A vakasamataki nona nana. A vakasamataki ira na nona qase e liu. E kila o koya ni ra dokai koya talega.
A veisau o Jarom ki na isulu mamaca. Sa qai mokoti iratou yadudua na lewe ni nona matavuvale. A vakavinavinakataki ira kece sara. Ka sa vakavinavinakataki ira na nona lewe ni matavuvale mai lomalagi ni na yaco me sotavi ira ena dua na siga. A vinakata o Jarom me vakayacora tikoga na digidigi vinaka me rawa ni ra marautaki koya tu kina.
Droini mai vei Oksana Grivina