Na iMatai ni Noqu iLakolako ki Valetabu
Hola O au o Elena. Sa imatai ni gauna meu lako kina ki na valetabu.
Ena vica na macawa sa oti, keirau a sota kei na noqu bisopi. A tarogi au o koya ena so na taro me vukea noqu vakadeitaka niu sa vakarau tu meu gole ki na valetabu. (E rawa ni o wilika na taro ena tabana e 22!) Sa qai solia vei au o koya na noqu ivolatara ni valetabu.
Keimami sa vakarau tu me keimami lako. Au dau vakaisulu vinaka ena noqu isulu ni Sigatabu. Au vakatawana talega eso na ka meu vakavinakataka na uluqu ni sa suasua. Kau sa vakadeitaka ni sa tiko vei au na noqu ivolatara. Keitou sa lako ki wawa basi!
Oya na valetabu! Sa dua na ka na kena totoka!
Niu taubale e loma ni valetabu, au vakila na vakacegu. Au vakaraitaka na noqu ivolatara vua na liganicakacaka taleitaki ena desi e liu. E dua tale na liganicakacaka ni valetabu e solia vei au e dua na ovarola vulavula. Au gole ki na rumu ni loka meu veisau.
Au sa mai waraka oqo meu sa na papitaiso. Ni sa nona gauna na taciqu, au sa tu ena tobu meu dua na ivakadinadina. Au raica me tabadromuci sara yani vakavinaka e loma ni wai.
Sa noqu gauna oqo! E katakata na wai. Au papitaiso ena vukudratou e vica vata na tamata ena dua na gauna.
Niu cabe mai, a solia mai e dua na liganicakacaka ni valetabu e dua na itawelu. Au lai sasavui ena rumu ni veisau ka daramaka tale noqu isulu ni Sigatabu. Niu curu mai tuba, a kauti au e dua na liganicakacaka ni valetabu meu vakadeitaki ena vukudra e vica vata na tamata.
Sa dua na ka talei dina na noqu gauna ena valetabu! Au marau niu rawa ni vukei ira na tani ena noqu papitaiso ka vakadeitaki ena vukudra. Au sega ni rawa ni waraka meu lesu tale mai ena dua na gauna walega qo.
Droini mai vei Rachel Hoffman-Bayles