Mga Matulunging Kamay sa Iba’t Ibang Panig ng Mundo
Kilalanin si Karles mula sa Puerto Rico
Kilalanin ang mga batang Primary na tumutulong sa iba, tulad ng ginawa ni Jesus.
Lahat ng tungkol kay Karles
Edad: 6
Mula sa: Puerto Rico
Mga wika: Espanyol, Portuges, Ingles
Mag-anak: Sina Inay at Itay
Mga mithiin at pangarap: 1) Magmisyon.2) Maging isang bumbero, doktor, o pulis.
Ang mga Matulunging Kamay ni Karles
Gustung-gusto ni Karles na tumutulong sa mga tao. Sinasabi ng kanyang ina na may espesyal na kaloob siya sa paglilingkod sa iba.
Noong Enero 2020, lumindol nang malakas sa Puerto Rico. Isa itong nakakatakot na panahon para sa lahat. Kinailangang matulog ni Karles at ng kanyang pamilya sa kanilang kotse sa loob ng maraming linggo. Pero nanatiling nakangiti si Karles at kaagad na kumilos. Tumulong siya sa pamimigay ng mga hygiene kit sa iba na nawalan ng kanilang mga tahanan at sa mga maysakit at matatanda.
Tumulong din si Karles noong pandaigdigang araw ng paglilingkod sa Karibe. Tumulong siya sa mga tao sa kanyang branch na magtipon ng mga dahon at maglinis ng mga bakuran. Gustung-gusto ni Karles na tumutulong sa kanyang mga magulang sa pamamagitan ng paglalaba ng mga damit, pagtatrabaho sa halamanan, at paggawa ng masa ng tinapay para sa kanyang paboritong pagkain, pizza!
Mga Paborito ni Karles
Lugar: Ang water park
Kuwento tungkol kay Jesus: Nang pagalingin ni Jesus ang mga ketongin
Awitin sa Primary: “Isinugo, Kanyang Anak” (Aklat ng mga Awit Pambata, 20–21)
Pagkain: Puting kanin, nilagang beans, manok, at pizza
Kulay: Pula
Asignatura sa paaralan: Edukasyong Pangkatawan at matematika
Mga paglalarawan ni Dana Sanmar