Mistoqsijiet Komuni dwar il-Knisja ta’ Ġesù Kristu tal-Qaddisin tal-Aħħar Żmien

Iva! Aħna nemmnu li Ġesù Kristu huwa Iben Alla u s-Salvatur tad-dinja, u nagħmlu li nistgħu biex nimxu warajh. Bħal ħafna denominazzjoni Kristjani, id-dettalji tat-twemmin tagħna tvarja xi ftit minn dawk ta’ għajrna. Iżda aħna dixxipli devoti ta’ Kristu u t-tagħlim tiegħu. Il-partijiet uniċi u sbieħ tat-teoloġija tagħna jgħinu biex jitkabbar l-għarfien tagħna ta’ Ġesù u l-evanġelju tiegħu.

It-Trinità Mqaddsa hi terminu li jużaw ħafna reliġjonijiet Kristjani biex jiddeskrivu lil Alla l-Missier, lil Ġesù Kristu, u l-Ispirtu s-Santu. Aħna nemmnu fl-eżistenza tat-tlieta li huma, iżda aħna nemmnu li Huma esseri separati u distinti li huma ħaġa waħda fl-għan tagħhom. L-għan tagħhom hu li jgħinuna niksbu l-vera ferħ—f’din il-ħajja u wara li mmutu.

Tgħallem aktar

Iva!  Ġesù huwa s-sisien tal-fidi tagħna—Iben Alla u s-Salvatur tad-dinja. Aħna nemmnu li l-ħajja eterna ma’ Alla u mal-maħbubin tagħna tasal billi naċċettaw l-evanġelju tiegħu. L-isem sħiħ tal-Knisja tagħna Il-Knisja ta’ Ġesù Kristu tal-Qaddisin tal-Aħħar Żmien, jirrifletti l-irwol ewlieni tiegħu f’ħajjitna. Il-Bibbja u l-Ktieb ta’ Mormon jixhdu dwar Ġesù Kristu, u aħna ngħożżu t-tnejn li huma.

Dan il-vers mill-Ktieb ta’ Mormon huwa tajjeb biex inwasslu t-twemmin tagħna: “U aħna nitkellmu dwar Kristu, aħna nifirħu fi Kristu, aħna nxandru ’l Kristu, aħna nħabbru dwar Kristu, u aħna niktbu skont il-profeziji tagħna, biex uliedna jkunu jistgħu jafu lejn liema sors għandhom iħarsu għall-maħfra ta’ dnubiethom” (2 Nefi 25:26).

Tgħallem aktar

Aħna nemmnu li l-mewt mhijiex it-tmiem għal ħadd minna u li r-relazzjonijiet li nifformaw f’din il-ħajja jistgħu jkomplu wara din il-ħajja. Minħabba s-sagrifiċċju ta’ Ġesù Kristu għalina, aħna lkoll se nqumu mill-mewt biex ngħixu għal dejjem f’ġisem perfett ħieles mill-mard u l-uġigħ. Il-grazzja tiegħu tgħinna ngħixu ħajja tajba, nindmu minn għemil ħażin, u nsiru aktar bħalu ħalli jkollna l-opportunità li ngħixu ma’ Alla u mal-maħbubin tagħna għall-eternità.

Tgħallem aktar

It-terminu “Mormoni” huwa laqam li ġej minn ktieb ta’ skrittura uniku għall-Knisja tagħna li jismu l-Ktieb ta’ Mormon. Ma konniex aħna li ħriġna b’dan il-laqam, iżda ħafna nies jużawh biex jiddeskrivu l-Knisja u l-membri tagħha. Fil-passat, aħna aċċettajna dak it-terminu u saħansitra konna nużawh aħna stess, iżda riċentiment aħna tlabna lin-nies biex meta jirreferu għall-Knisja jużaw l-isem sħiħ tagħha: Il-Knisja ta’ Ġesù Kristu tal-Qaddisin tal-Aħħar Żmien. 

Din l-enfażi fuq l-użu tal-isem sħiħ tal-Knisja tgħinna nimxu wara l-kmand tal-Mulej mogħti lill-Profeta Joseph Smith: “Għax hekk għandkom issejħulha l-knisja tiegħi fl-aħħar żmien, sewwasew Il-Knisja ta’ Ġesù Kristu tal-Qaddisin tal-Aħħar Żmien” (Duttrina u Patti 115:4). Dan ikompli jikkonferma li Ġesù huwa l-qofol tar-reliġjon u t-twemmin tagħna.

“Qaddisin tal-Aħħar Żmien” hu mod tajjeb kif tista’ tirreferi għall-ħbieb tiegħek li huma membri tal-Knisja.

Il-membri Il-Knisja ta’ Ġesù Kristu tal-Qaddisin tal-Aħħar Żmien huma ħafna bħal xi wħud mill-ħbieb u l-ġirien l-oħra tiegħek. Aħna naħdmu, immorru l-iskola, inqattgħu ħin mal-ħbieb u l-familja, nipparteċipaw fl-isports, u ngawdu diversità ta’ passatempi.

Aħna nesperjenzaw il-ferħ u l-isfidi bħal kulħadd, iżda nemmnu li meta nagħmlu l-almu tagħna biex nimxu wara l-eżempju ta’ Ġesù Kristu, Alla jagħtina perspettiva u qawwa addizzjonali biex nagħmlu dan permezz tal-isfidi tal-ħajja. Għandna wkoll komunità ta’ sapport tal-knisja biex nibqgħu mexjin ’il fuq.

Aħna nippruvaw inżommu lil Ġesù u t-tagħlim tiegħu fuq quddiem u fiċ-ċentru ta’ ħajjitna. It-twemmin tagħna dwar is-Salvatur u t-tagħlim tiegħu jaffettwa d-deċiżjonijiet tagħna ta’ kuljum dwar kif aħna nitkellmu, nilbsu, u naġixxu. Per eżempju, aħna nippruvaw nevitaw li naħdmu jew nixtru l-Ħadd sabiex Jum il-Mulej jitqaddes, kif tgħallem il-Bibbja. Ir-reliġjon tagħna hija reliġjon li tiġi ppriedkata kull jum tal-Ħadd u li idealment tiġi pprattikata ta’ kuljum.


Tgħallem aktar

Xi kultant fil-Bibbja, Alla ta struzzjonijiet permezz tal-profeti tiegħu biex jastjenu minn ċertu ikel (ara Levitku 11). Dan il-mudell ikompli llum bil-Kelma tal-Għerf, prinċipji tas-saħħa ispirati divinament mogħtija lill-Profeta Joseph Smith kemm għall-benefiċċju fiżiku kif ukoll spiritwali tagħna. Il-Kelma tal-Għerf tinkludi direzzjoni minn Alla dwar affarijiet bħal li għandna nieklu ikel tajjeb għas-saħħa u li neżerċitaw, kif ukoll gwida biex nastjenu mill-kafè, mit-te, mit-tabakk, mill-alkoħol, u mill-abbuż mid-droga.

Tnejn mill-akbar rigali li Alla ta lilna lkoll huma l-ġisem fiżiku tagħna u r-rieda ħielsa tagħna. Li nimxu wara l-Kelma tal-Għerf jgħinna nirrispettaw u nieħdu ħsieb ġisimna u nżommu moħħna ċar ħalli nkunu nistgħu nnfetħu aktar għall-Ispirtu s-Santu. Jgħinna wkoll nevitaw il-vizzju, li jista’ jdgħajjef ir-rieda ħielsa tagħna.

Tgħallem aktar

Il-ħinijiet tal-bidu għas-servizzi tal-Ħadd tagħna jvarjaw skont il-post. F’inħawi b’ħafna membri tal-Knisja, jista’ jkun hemm diversi kongregazzjonijiet li jiltaqgħu f’mumenti differenti fl-istess bini. Tista’ ssib il-post u l-ħin tal-laqgħa tal-kongregazzjoni l-aktar viċin tiegħek hawnhekk: Sib Knisja

Il-kongregazzjonijiet madwar id-dinja jimxu fuq format simili ta’ sagħtejn għas-servizzi tal-Ħadd. Waqt dak li nsejħulu l-laqgħa tas-sagrament, kulħadd jiltaqa’ flimkien. Il-laqgħa tinkludi talba tal-ftuħ u tal-għeluq, ftit innijiet, u diskors qasir mogħti mill-membri tal-kongregazzjoni.

L-aktar parti importanti tal-laqgħa tas-sagrament hi li nieħdu s-sagrament, li jixbah lil komunjoni f’reliġjonijiet Kristjani oħra. Matul is-sagrament, aħna niftakru f’Ġesù Kristu u nerġgħu nikkommettu ruħna li nimxu warajh hekk kif nieklu biċċa ħobż u nixorbu tazza ilma li tissimbolizza l-ġisem u d-demm li Huwa ssagrifika għalina.

Minbarra l-laqgħa tas-sagrament, in-nies huma mistiedna għat-tieni siegħa ta’ tagħlim f’ambjenti iżgħar u aktar interattivi. Hemm diversi klassijiet disponibbli għall-adulti, iż-żgħażagħ, u t-tfal fejn aħna nistudjaw l-iskrittura u l-kliem tal-profeti ħajjin u niddiskutu kif nistgħu nimxu wara Ġesù Kristu.

Tgħallem aktar

Merħba bikom li tiġu kif intom. Jekk qed tinkwieta li se tispikka, aħna nippruvaw nilbsu ħwejjeġ aktar puliti minn dawk li nilbsu fil-kumplament tal-ġimgħa sabiex nirriflettu l-qima tagħna lejn Alla. L-aktar ilbies komuni li tara fil-knisja huwa qmis tal-libsa u ingravata għall-irġiel u dublett jew libsa għan-nisa.

Għandna viżitaturi kważi f’kull kongregazzjoni, għalhekk aħna mdorrijin li naraw uċuh ġodda. F’kongregazzjoni kbira, in-nies jafu lanqas biss jirrealizzaw li int viżitatur. F’inħawi oħra, in-nies jafu jinnutawk u jiġu jkellmuk. Jew inkella, toqgħodx taħsibha biex tintroduċi ruħek u tistaqsi xi mistoqsijiet li jista’ jkollok.

Le. Meta l-ħobż u l-ilma tas-sagrament jingħataw lill-kongregazzjoni, inti tista’ sempliċiment tgħaddi l-kontenitur lill-persuna ta’ warajha, imbagħad toqgħod bilqiegħda u tgawdi l-kumplament tas-servizz. Inti se tara nies li jagħmlu volontarjat biex jipparteċipaw b’modi oħra, bħal iwieġbu l-mistoqsija tal-għalliem waqt xi klassi, iżda m’għandekx għalfejn tgħolli jdejk jekk dik mhijiex xi ħaġa li trid tagħmel.

Le. Aħna nemmnu fil-liġi tad-dieċmi li nsibu fil-Bibbja. Iżda l-membri tagħna li jagħżlu li jħallsu d-dieċmi jagħmlu dan b’mod privat, mhux bħala parti mis-servizz ta’ qima. Waqt xi laqgħa ma tiġix mistoqsi għal donazzjonijiet.

Iva! Din hija knisja li tħobb il-familja. It-tfal joqogħdu bilqiegħda mal-ġenituri tagħhom waqt il-laqgħa ewlenija tas-sagrament u mbagħad jipparteċipaw f’attivitajiet mat-tfal jew żagħżugħ l-età tagħhom waqt li l-adulti jmorru l-Iskola tal-Ħadd. Il-klassijiet tat-tfal u taż-żgħażagħ huma dejjem imħejjija minn żewġ adulti jew aktar. Sala tal-ommijiet tipprovdi privatezza biex jitimgħu lit-trabi jew xi bżonnijiet oħra.

Bla dubju! Aħna nemmnu li aħna lkoll ulied Alla, u l-barkiet imwiegħda tiegħu huma disponibbli għalina lkoll hekk kif nagħmlu l-almu tagħna biex nimxu wara l-kelma tiegħu, ikunu xi jkunu l-karatteristiċi tagħna jew il-passat tagħna. Il-Knisja hija post fejn kulħadd jitgħallem u jikber. Jista’ jkun li intom għandkom ċerta sterjotip f’raskom li ma tħossukomx idejkom f’idejkom, iżda l-verità hi li l-membri tagħna jiġu minn kull sfond u interess differenti. Ejjew għal żjara, u tafu tissorprendu ruħkom minn min issibu bilqiegħda ħdejkom fil-pews.

Iva. Fil-kongregazzjonijiet tagħna, kulħadd għandu opportunità li jikkontribwixxi. In-nisa u l-irġiel għandhom pożizzjonijiet ta’ tmexxija, iservu fil-kumitati, jgħallmu l-klassijiet, jitkellmu mill-pulptu, joffru t-talb, u jorganizzaw u jmexxu l-attivitajiet. Anke t-tfal u ż-żgħżagħ għandhom opportunitajiet biex jagħmlu dawn il-ħwejjeġ.

Fuq il-mudell li Ġesù ta biex isejjaħ lit-Tnax-il Appostlu tiegħu u jagħtihom l-imfietaħ tal-awtorità tas-saċerdozju mingħand Alla, huma biss irġiel li llum iħaddnu l-imfietaħ tas-saċerdozju. Għal dik ir-raġuni, ċerti pożizzjonijiet ta’ tmexxija u dmirijiet fil-Knisja jistgħu biss isiru mill-irġiel. Iżda pożizzjonijiet u dmirijiet importanti oħra jinżammu u jitwettqu biss min-nisa. In-nisa jservu, imexxu, jixhdu, u jgħallmu spiss fil-laqgħat tal-knisja. Jekk inti lest li tikkontribwixxi għall-kongregazzjoni lokali tiegħek, dejjem se jkun hemm opportunitajiet biex tagħmel dan.

Tgħallem dwar il-gruppi tan-nisa tagħna

Ħafna nies huma skomdi b’reliġjon organizzata u jippreferu jesperjenzaw l-ispiritwalità u jgħixu ħajja tajba weħidhom. Il-verità hi, aħna neħtieġu t-tnejn li huma.

L-esperjenzi u s-servizz spiritwali lejn ħaddieħor matul kull ġimgħa huma l-pedament għal relazzjoni ma’ Alla. Iżda xi wħud mill-kmandamenti ta’ Alla, bħal li nitgħammdu u nieħdu s-sagrament imwaqqaf minn Ġesù Kristu, jeħtieġu l-awtorità saċerdotali mingħand Alla. Il-Knisja ta’ Ġesù Kristu tal-Qaddisin tal-Aħħar Żmien tipprovdi l-istruttura u l-awtorità tas-saċerdozju meħtieġa biex jitwettqu dawk il-kmandamenti. Tipprovdi wkoll ambjent kollu mħabba u ta’ sapport fejn intom tistgħu taħdmu biex issiru persuna aħjar u tisimgħu ċerti ħsibijiet li forsi ma sibtux waqt li tkunu qed tistudjaw il-kelma ta’ Alla weħidkom. Benefiċċju ieħor tar-reliġjon organizzata huwa l-mod kif tinkoraġġixxi u tippromwovi opportunitajiet għas-servizz.

Il-konferenza ġenerali hija ġabra dinjija ta’ nies li jemmnu. Darbtejn fis-sena, aħna nqattgħu tmiem il-ġimgħa nisimgħu l-profeti tal-Mulej, l-appostli u mexxejja oħra tal-Knisja ta’ Ġesù Kristu tal-Qaddisin tal-Aħħar Żmien jaqsmu l-messaġġ ta’ Alla għal żmienna. Eluf ta’ nies jipparteċipaw personalment fil-Belt ta’ Salt Lake, Utah, fl-Istati Uniti, filwaqt li miljuni oħra jħarsu aktar mill-bogħod jew jistudjaw il-messaġġi weħidhom f’xi żmien aktar tard.

Tgħallem aktar dwar il-konferenza ġenerali.
Ara jew aqra l-messaġġi tal-konferenza ġenerali tal-passat.

Fl-1820, tfajjel ta’ 14-il sena jismu Joseph Smith beda jiddubita dwar il-benesseri ta’ ruħu u jgħarbel dwar liema knisja kellu jingħaqad magħha. Darba waħda, hekk kif studja l-Bibbja, huwa qara Ġakbu 1:5:

“Jekk xi ħadd minnkom jonqsu l-għerf, għandu jitlob lil Alla, li jagħti lil kulħadd b’id miftuħa u bla ma jċanfar lil ħadd, u jagħtihulu.”

L-iskrittura ħalliet effett qawwi fuq Joseph, u wasslitu biex isib masġar sieket u jipprova għall-ewwel darba f’ħajtu jitlob b’qawwa. Alla l-Missier u Ibnu Ġesù Kristu dehru lill-Joseph Smith dak inhar, fejn qalulu li dnubietu kienu ġew maħfura u li ma kellu jingħaqad ma’ l-ebda waħda mill-knejjes li kien tgħallem dwarhom.

Joseph ġie magħżul bħala l-Profeta ta’ Alla li, taħt id-direzzjoni ta’ Ġesù Kristu, kien se jirrestawra l-Knisja tiegħu fid-dinja. Il-Knisja ta’ Ġesù Kristu tal-Qaddisin tal-Aħħar Żmien ġie mwaqqaf formalment fl-1830.

Tgħallem aktar

Id-diskorsi mogħtija mill-profeta, mill-appostli, u minn mexxejja oħra tal-Knisja waqt il-konferenza wieħed jista’ jsibhom billi jfittex fl-arkivji tal-konferenza ġenerali. Inti tista’ tibqa’ aġġornat ma’ dak li l-mexxejja tal-Knisja qed jgħidu barra l-konferenza ġenerali—bħal fid-dedikazzjoni tat-tempji jew f’avvenimenti ta’ reliġjonijiet differenti—billi żżur Church Newsroom. Tista’ wkoll tuża l-funzjoni ta’ tfittxija fuq ChurchofJesusChrist.org biex tfittex id-diskorsi tal-konferenza ġenerali, l-artikli tar-rivista, u riżorsi oħra skont is-suġġett.

Meta l-profeta u l-President tal-Knisja jmut, l-aktar appostlu anzjan (skont it-tul tas-servizz, mhux l-età) isir il-profeta l-ġdid. Meta fil-Kworum tat-Tnax-il Appostlu jkun hemm post vakanti, il-profeta jagħżel persuna ġdida li sservi, permezz tal-ispirazzjoni mingħand Alla.

Pożizzjonijiet oħra ta’ responsabbiltà fil-Knisja—dak li nirreferu għalihom bħala “sejħiet“—f’livell reġjonali u lokali jintgħażlu wkoll permezz tal-ispirazzjoni mingħand Alla. Per eżempju, l-isqof li jmexxi kongregazzjoni jaf jitlob u jħossu ispirat li jitlob lil xi mara speċifika biex tmexxi l-organizzazzjoni tan-nisa magħrufa bħala s-Soċjetà tas-Solliev. Min-naħa tagħha, hija titlob għal direzzjoni dwar min għandu jassistiha bħala kunsilliera, bħala segretarji, bħala għalliema, u fi rwoli oħra.

Tgħallem aktar

Iva! Il-Bibbja hi l-kelma ta’ Alla Aħna regolarment nistudjawha fi djarna u fil-knisja, u nippruvaw ngħixu permezz tat-tagħlim tagħha. Aħna nemmnu li t-Testment il-Qadim u t-Testment il-Ġdid jaħdmu flimkien mal-Ktieb ta’ Mormon, li huwa testment ieħor ta’ Ġesù Kristu, biex jaġixxi bħala xhieda ta’ Ġesù u jagħtuna għarfien aktar komplut tal-pjan ta’ Alla.

Tgħallem aktar

Il-Ktieb ta’ Mormon huwa ktieb ta’ skrittura mqaddsa li jixhed dwar Ġesù Kristu u jgħallimna dwar il-pjan ta’ Alla u l-kmandamenti tiegħu għalina. Waħda mill-barkiet tal-Ktieb ta’ Mormon hi li jagħtina aktar ċarezza u għarfien tat-tagħlim ta’ Ġesù li nsibu fil-Bibbja—simili għal kif Mattew, Mark, Luqa, u Ġwanni jgħidulna dwar il-ministeru u t-tagħlim ta’ Ġesù minn perspettivi differenti biex nagħtu stampa aktar kompluta.

It-tnejn flimkien, il-Ktieb ta’ Mormon u l-Bibbja fihom minjiera ta’ eluf ta’ snin ta’ ispirazzjoni, gwida, u tagħlim. Jekk tistudja ż-żewġ kotba, inti tkun tista’ tifhem aħjar min hu Alla u xi jrid minnek.

Studja l-Ktieb ta’ Mormon u l-Bibbja mal-missjunarji.

Bħall-Bibbja, il-Ktieb ta’ Mormon għandu bosta awturi. Huwa ġabra ta’ djarji u stejjer mgħoddija minn kittieb għall-ieħor fuq perjodu ta’ madwar 1,000 sena. L-ewwel awtur huwa l-profeta Nefi, li telaq minn Ġerusalemm mal-familja tiegħu fis-sena 600 QK u baħħar lejn l-Amerki. Nefi għadda l-annali lil ħuh iż-żgħir, li wara tahom lil ibnu. Kull awtur ta l-annali lil xi ħadd li kien jafda fih. Mormon kien l-isem tal-profeta li ġabar il-kitbiet kollha f’ktieb wieħed, u għalhekk jissejjaħ il-Ktieb ta’ Mormon.

Fl-1823, Joseph Smith ittieħed fejn dawn l-annali ta’ żmien il-qedem kienu moħbija, u hu ttraduċihom bil-qawwa ta’ Alla. 

Tgħallem aktar.
Ikseb il-Ktieb ta’ Mormon.

L-istess bħall-Bibbja, il-Ktieb ta’ Mormon jagħti xhieda ta’ Ġesù Kristu. L-avveniment ċentrali li nsibu fil-Ktieb ta’ Mormon hu ż-żjara ta’ Ġesù Kristu—inkluż it-tagħlim u l-ministeru tiegħu—għand dawk li emmnu fl-Amerki tal-qedem.

Il-Ktieb ta’ Mormon jibda bl-istorja ta’ familja. Il-missier ta’ dik il-familja, Leħi, huwa profeta f’Ġerusalemm tal-qedem madwar is-sena 600 QK. Alla jwissi lil Leħi f’ħolma biex jieħu lill-familja tiegħu u jitlaq minn Ġerusalemm, għaliex il-belt kellha tinqered m’qasir żmien u ħafna nies kienu dalwaqt se jittieħdu fil-jasar minn nazzjon ieħor. Huma jaqsmu l-baħar lejn il-Kontinent Amerikan.

Id-dixxendenti ta’ Leħi u martu, Sarija, eventwalment jinqasmu f’żewġ ġnus: in-Nefiti u l-Lamaniti. Tul il-ftit sekli ta’ wara, dawk il-ġnus ħafna drabi jkunu fi gwerra bejniethom, u l-fidi tagħhom f’Alla u Ġesù Kristu qed tiġi ppruvata kontinwament. Dawn l-esperjenzi jimlew il-paġni tal-Ktieb ta’ Mormon billi jieħdu forma ta’ diskorsi qawwija, profeziji, lezzjonijiet tal-ħajja, u esperjenzi spiritwali.

Wara li Ġesù qam mill-mewt f’Ġerusalemm, Hu jidher lin-nies tal-Amerki. Hu jgħallimhom dwar il-magħmudija, l-indiema, u l-maħfra. Hu jfejjaq lill-morda tagħhom u jbierek lil uliedhom. Kristu jwaqqaf il-Knisja tiegħu. Wara, huma jgħixu fil-paċi għall-mijiet ta’ snin.  Maż-żmien, in-nies jitilfu l-fidi tagħhom u ħafna jinqatlu fil-battalja. Profeta minn dak iż-żmien, jismu Moroni, jidfen l-annali tagħhom biex jippreservah għall-futur u għan-nies tal-ġejjieni—għalina!

Tgħallem aktar
Ikseb ill-Ktieb ta’ Mormon

Ħafna mill-qima tagħna sseħħ ġewwa l-knejjes, li xi kultant nirreferu għalihom ukoll bħala kappelli, djar tal-laqgħat, jew ċentri tal-wited. Tista’ tagħraf dan il-bini bil-kliem “Viżitaturi Merħba” u “Il-Knisja ta’ Ġesù Kristu tal-Qaddisin ta’ l-Aħħar Żmien” li jinsabu ħdejn l-entratura tal-biċċa l-kbira tal-bini. Ġewwa, aħna nħaddnu s-servizzi ta’ qima tal-Ħadd, l-attivitajiet taż-żgħażagħ tal-ġimgħa, il-laqgħat soċjali, ir-rappreżentazzjonijiet kulturali, u avvenimenti oħra li huma miftuħin għal kulħadd fil-komunità.

It-tempji għandhom għan aktar speċifiku. Huma postijiet distinti b’mod speċjali għal servizz sagru u ċerimonji. Huma nnominati mill-Mulej u ddedikati għall-għanijiet tiegħu. It-tempji huma l-uniku postijiet fejn xi ordinanzi huma awtorizzati li jitwettqu. Dawn iċ-ċerimonji sagri jelevaw u jispiraw lill-parteċipanti hekk kif huma jagħmlu impenn li jimxu wara t-tagħlim u l-eżempju ta’ Ġesù Kristu.

It-tempji għandhom qima speċjali—fihom ma ssibx nies li jitkellmu b’mod każwali dwar films, imwaħħlin mal-mowbajls tagħhom, jew moħħom f’attivitajiet li m’għandhomx x’jaqsmu mat-tempju. Minflok, il-membri tal-Knisja ta’ Ġesù Kristu tal-Qaddisin tal-Aħħar Żmien li ħadmu biex iħejju lilhom infushom għall-esperjenza sagra huma ffokati fuq il-parteċipazzjoni fl-ordinanzi u t-tfittix ta’ rivelazzjoni personali mingħand Alla.

It-tempji huma mibnija biex jikkomplementaw il-pajsaġġ, il-kultura, u l-bżonnijiet tal-inħawi, u għalhekk kull wieħed jidher ftit differenti. Iżda ħafna minnhom huma mibnija b’irħam abjad u huma karatteriċizzati minn kampnari li jaslu lejn is-smewwiet. Intom dejjem tistgħu ssibu l-kliem “Qdusija lill-Mulej, id-Dar tal-Mulej” fuq in-naħa ta’ barra ta’ tempju.

Meta t-tempji jinbnew għall-ewwel darba jew wara li jkunu għaddew minn rinnovazzjoni estensiva, jinżammu bħal djar miftuħa għall-pubbliku ħalli jkunu jistgħu jduru ġewwa. Barra minn hekk, bosta tempji għandhom iċ-ċentri tal-viżitaturi, żoni ta’ stennija, jew xi post li hu miftuħ għal kulħadd.

Wara li t-tempju jkun lest, jiġi ddedikat għall-qima sagra. Minħabba n-natura mqaddsa tal-ħidma li nagħmlu fit-tempji, huwa mbagħad miftuħ biss għall-membri tal-Knisja ta’ Ġesù Kristu tal-Qaddisin tal-Aħħar Żmien li ħejjew lilhom infushom għall-esperjenza. Filwaqt li bħalissa intom ma tistgħux tidħlu fit-tempju, l-ulied kollha ta’ Alla huma mistiedna biex jitgħallmu aktar dwar l-evanġelju ta’ Ġesù Kristu u jidħlu fir-relazzjonijiet tal-patt li jagħtuhom iċ-ċans li jipparteċipaw bis-sħiħ fil-barkiet tat-tempju.

It-tempji huma differenti mill-bini tagħna ta’ kuljum tal-knisja fejn aħna nħaddnu s-servizzi ta’ qima tal-Ħadd. Huma l-aktar postijiet qaddisa tagħna, imwarrba għall-aktar ħidma sagra ta’ Alla. Il-ħwejjeġ li nagħmlu fit-tempju jduru madwar il-wegħda li nistgħu ngħixu ma’ Alla u mal-maħbubin tagħna għall-eternità.

Fit-tempju, aħna nikkommettu ruħna b’mod aktar sħiħ li nimxu wara Ġesù Kristu. Aħna nagħmlu wegħdiet ma’ Alla, bħall-wegħda li nżommu l-kmandamenti tiegħu u li niddedikaw lilna nfusna u dak kollu li għandna lilu. L-irġiel u n-nisa miżżewġin u l-ġenituri u t-tfal huma magħqudin flimkien, jew “issiġillati“ ma’ xulxin, għall-eternità. U aħna nagħmlu l-istess ħidma għall-antenati tagħna, u nagħtuhom l-opportunità li jaċċettaw dawk il-barkiet fil-ħajja li jmiss jekk huma jagħżlu dan.

Tgħallem aktar

Ġesù għallem li l-magħmudija hija meħtieġa biex wieħed jidħol fis-saltna tas-smewwiet (ara Ġwanni 3:5). Iżda x’jiġri fil-każ ta’ dawk in-nies li jmutu mingħajr ma jitgħammdu jew bla ma biss isiru jafu dwar Ġesù Kristu?

Fortunatament, Alla pprovda mod kif kulħadd jista’ jirċievi l-barkiet kollha tiegħu—anke wara l-mewt. Fit-tempju, il-magħmudijiet isiru għal dawk li mietu mingħajr l-opportunità li jitgħammdu f’din il-ħajja. L-Appostlu Pawlu tkellem dwar il-magħmudija għall-mejtin fil-Bibbja (ara 1 Korintin 15:29), u l-membri tal-Knisja ta’ Ġesù Kristu tal-Qaddisin tal-Aħħar Żmien ikomplu dik l-istess prattika fit-tempji llum. 

Dan hu l-mod kif jaħdem: il-Qaddisin tal-Aħħar Żmien jistudjaw l-istorja tal-familja u jiskopru l-ismijiet tal-membri tal-familja li mietu mingħajr ma tgħammdu. Imbagħad huma jitgħammdu għal dawk l-antenati fit-tempju. Dan is-servizz f’isem ħaddieħor jiġi offrut b’imħabba—u peress li l-ħajja tkompli wara l-mewt, dawk li mietu huma konxji tal-ordinanzi u jistgħu jagħżlu jekk jaċċettawhomx. 

Tgħallem aktar

Fit-tempju, raġel u mara miżżewġin huma magħqudin għal dejjem. Din iċ-ċerimonja taż-żwieġ tissejjaħ “siġill” tat-tempju għaliex il-koppja ngħaqdu flimkien għal din il-ħajja u għall-eternità. Waqt ċerimonja qasira u sempliċi, l-għarusa u l-għarusa jgħaqqdu jdejhom min-naħa għall-oħra tal-artal. Huma jagħmlu patt ma’ Alla li huma jonoraw u jħobbu lil xulxin kompletament u jimpenjaw ruħhom li jimxu wara t-tagħlim u l-eżempju ta’ Ġesù. Min-naħa l-oħra, huma mwiegħda li ż-żwieġ tagħhom u l-familja tagħhom se jibqgħu sodi fil-ħajja li jmiss u għall-eternità. 

Il-koppji miżżewġin fit-tempju ħafna drabi jiċċelebraw flimkien ma’ grupp akbar ta’ familja u ħbieb wara b’riċeviment tat-tieġ jew xi tradizzjoni kulturali oħra. Koppji li qabel kienu miżżewġin f’ċerimonji ċivili barra t-tempju (bħal dawk li ngħaqdu mal-Knisja wara li jkunu diġà żżewġu) jistgħu jesperjenzaw ukoll il-barkiet li jiġu ssiġillati fit-tempju.

Tgħallem aktar

L-ilbies reliġjuż simboliku u l-ġojjellerija hija prattika komuni għal bosta nies ta’ fidi madwar id-dinja, fosthom il-membri tal-Knisja ta’ Ġesù Kristu tal-Qaddisin tal-Aħħar Żmien. Il-membri adulti jilbsu l-garment tat-tempju bħala tifkira personali tar-relazzjoni tagħhom ma’ Alla, il-wegħdiet li saru miegħu fit-tempju, u l-impenn tagħhom li jimxu wara Ġesù Kristu u jżommu l-kmandamenti tiegħu. Il-garment tat-tempju jikkonsisti minn żewġ biċċiet, simili għal flokk ta’ taħt ħafif u xorz. Huma kkunsidrati sagri għall-membri li jilbsuhom.

Tgħallem aktar

Iva. Il-membri tal-Knisja ta’ Ġesù Kristu tal-Qaddisin tal-Aħħar Żmien jistgħu jirċievu lil min jagħżlu li jiżżewġu. Madankollu, iż-żwiġijiet sagri tat-tempju għall-eternità huma riservati biss għal raġel u mara li huma t-tnejn membri tal-Knisja ta’ Ġesù Kristu tal-Qaddisin tal-Aħħar Żmien u li ħejjew lilhom infushom biex jagħmlu impenn etern lejn xulxin u lejn Alla. Għal dik ir-raġuni, ħafna Qaddisin tal-Aħħar Żmien li huma single jippreferu jiffokaw fuq li jinnamraw ma’ nies li jaqsmu t-twemmin tagħhom u li għandhom l-istess għan tagħhom li jiżżewġu fit-tempju.

L-għan ta’ kull missjunarju hu li jaqsmu l-evanġelju ta’ Ġesù Kristu. Fost il-ħwejjeġ li jagħmlu hemm li jiltaqgħu u jinteraġixxu ma’ nies li huma interessati li jitgħallmu aktar, li jgħallmuhom, jistudjaw l-iskrittura flimkien, u s-servizz ta’ volontarjat fil-komunità.

Il-missjonijiet jidhru xi ftit differenti skont il-post. Per eżempju, xi missjunarji jimxu jew isuqu roti filwaqt li oħrajn isuqu l-karozzi. Xi wħud huma assenjati f’żoni rurali, oħrajn fi bliet kbar. Xi kultant il-ħidma missjunarja tieħu s-sura ta’ kkonnetjar ma’ nies permezz tal-midja soċjali; drabi oħra din tinvolvi li jħabbtu fuq il-bibien tan-nies jew jdawru lin-nies madwar siti storiċi tal-Knisja.

Ħaġa li l-missjunarji kollha għandhom komuni hi li huma jridu jgħinu lil ħaddieħor ikun jaf u jiżviluppaw relazzjoni ma’ Ġesù. Jekk għandek xi mistoqsijiet relatati mal-fidi, qed tfittex lil xi ħadd biex jitlob miegħu, jew trid tmur il-knisja ma’ xi ħadd, għidilna! Huwa l-gost tal-missjunarji li jitkellmu miegħek!

Ikkonnettja mal-missjunarji fl-inħawi tiegħek.

Kull membru tal-Knisja ta’ Ġesù Kristu tal-Qaddisin tal-Aħħar Żmien huwa mħeġġeġ biex jaqsam l-evanġelju ta’ Ġesù Kristu ma’ ħaddieħor. Xi membri jiġu mistednin u jistgħu jagħżlu li jservu missjoni full-time għal perjodu speċifiku ta’ żmien (ħafna drabi 18 jew 24 xahar). Ħafna mill-missjunarji tagħna huma adulti single fl-aħħar żogħżija tagħhom jew fl-ewwel għoxrin sena tagħhom, u membri akbar fl-età u koppji miżżewġin iservu wkoll. Peress li ċ-ċirkustanzi ta’ kull persuna huma differenti, xi wħud jafu jagħżlu li jservu missjoni għal ftit sigħat fil-ġimgħa. Ħafna membri tal-Knisja qatt ma servew missjoni uffiċjali iżda jaqsmu l-evanġelju ma’ ħaddieħor permezz tal-għemejjel tagħhom ta’ kuljum.

Tgħallem aktar dwar il-missjunarji jew iltaqa’ mal-missjunarji fl-inħawi tiegħek.

Tafu tinnotaw li l-missjunarji huma magħrufa bħala Presbiteru jew Sister flimkien mal-kunjom tagħhom. Dan huwa titlu li aħna nużaw bħala sinjal ta’ rispett u unur. Bl-istess mod, il-membri tal-Knisja ta’ Ġesù Kristu tal-Qaddisin tal-Aħħar Żmien ta’ kuljum isejħu lil xulxin Brother jew Sister minflok Sur jew Sinjura biex jonoraw ir-relazzjoni tagħna bħala wlied Alla.

Iva. Ġesù għamilha ċara li l-magħmudija hija neċessarja biex nidħlu fis-saltna tas-smewwiet, fejn għallimna li għandna “nitwieldu permezz tal-ilma u l-ispirtu” (Ġwanni 3:5). Ġesù nnifsu tgħammed—minkejja li Huwa kien perfett—biex jagħtina eżempju.

Iva. Ħafna li tgħammdu fi knisja oħra ħadu dak il-pass b’fidi tajba, b’xewqa sinċiera li jaċċettaw u jimxu wara Ġesù Kristu.

Aħna nemmnu li meta niġu għall-ordinanzi sagri jew għal għemejjel li huma essenzjali għas-salvazzjoni eterna tagħna, jeħtieġ li aħna nimxu wara l-mudell stabbilit minn Ġesù Kristu. Dan ifisser li l-magħmudijiet għandhom jitwettqu permezz tal-awtorità tas-saċerdozju mingħand Alla u b’mod konsistenti ma’ kif Ġesù tgħammed (b’immersjoni).

Li nitgħammdu fil-Knisja ta’ Ġesù Kristu tal-Qaddisin tal-Aħħar Żmien segwit billi nirċievu d-don tal-Ispirtu s-Santu minn xi ħadd li għandu l-awtorità minn Ġesù huwa l-mod kif is-Salvatur wera li wieħed isir membru tal-Knisja tiegħu.

Tgħallem aktar

Kulħadd huwa mistieden u mħeġġeġ biex iqim magħna, iżda biex insiru membri uffiċjali tal-Knisja jeħtieġ li nitgħallmu dwar l-evanġelju tas-Salvatur, nagħżlu l-magħmudija, u nirċievu d-don tal-Ispirtu s-Santu.

L-ewwel pass biex ningħaqdu mal-Knisja ta’ Ġesù Kristu tal-Qaddisin tal-Aħħar Żmien hu li nitgħallmu aktar dwar Ġesù Kristu u l-wegħdiet u l-impenji li inti tagħmel hekk kif titgħammed fil-Knisja ta’ Ġesù Kristu.

L-evanġelju ta’ Ġesù Kristu jbierek lin-nies bit-tama, bil-ferħ, u b’għarfien akbar tal-għan tal-ħajja. Meta tkun lest li tara kif, li tkun membru tal-Knisja tas-Salvatur, jista’ jbierkek, tista’ tibda billi titgħallem mal-missjunarji li jistgħu jgħinuk biex tibda tiffamiljarizza ruħek mat-twemmin tagħna u jintroduċuk mal-kongregazzjoni lokali tiegħek.

Tgħallem aktar dwar il-missjunarji jew iltaqa’ mal-missjunarjifl-inħawi tiegħek.