1 Dirava e, ba gwauraigu maoro;se matauraimumu besena enai maorogu ba gwauraia;kara koikoi bona kara gageva-gageva taudia imadia amo ba hamaurigu.

2 Oi na lau igimagu Diravana;dahaka dainai vada o negegu daure?Badina be dahaka na tai ḡadeḡademu,inaigu edia daḡedaḡe karadia daidiai?

3 Emu diari bona emu hereva momokani a siaia mai,idia ese bae hakaugu;emu ororo helaḡana bona emu noho kalagana ediaibae hakaugu vasi.

4 Bena Dirava ena ihaboulaina patana baina lao henia;na moalelaia badamu Diravana baina lao henia.Dirava e, egu Dirava,lau ese gitara amo baina hanamomu.

5 Laumagu e, dahaka dainai vada o metau?Dahaka hekwarahina lalogu ai o karaiamu?Dirava ba laroa; badina be lau do baina hanamoa lou,lau ikahagu bona egu Dirava.