1 Iehova e, na boi henimumu, aoma haraḡa dekegu ai,na boi henimumu negana ai ba hakala henigu.

2 Egu ḡuriḡuri na muramura mai bonana ai bainela oi vairamu ai,bona imagu na dudui isimu na adorahi boubouna ai bainela.

3 Iehova e, udugu ba gimaia,udugu bibinadia iduarana ba naria.

4 Lalogu na basio kehoa, dika ḡauna ta enai;bona kara dika ihekwarahilaidia ai kara havara taudia ida basina hebou,edia aniani ḡaudia namodia danu basina ani.

5 Tau namona ese ena hebogahisi ai baine kwadigu eiava baine gwau henigu be namo,a kara dika taudia edia dehoro amo nega ta kwaragu basie horoa;badina be nega idoinai edia kara dika ilao-ahudia ḡuriḡuridia na gwauraimu.

6 Bae revadia taudia imadia ai bae kau negana ai,lalodia na bae parara, Iehova ena hereva na momokani.

7 Haga nadina na ta hamakohiamu, tano ai ta ḡiḡia rohorohomu na heto,idia turiadia na unu bae karadia toma, mase gabuna iduarana ai.

8 Ḡaubada Iehova e, lau oi na hageremumu;oiemu ai na roho maurimu;asi igimagu ai basio rakatanigu.

9 Iabigu totona vada e atoa rikirikina amo ba rauagu;kara dika taudia edia idoa amo ba hamaurigu.

10 Kara dika taudia na sibodia edia huo ai bae heabi,a lau baina roho mauri.