1 Iehova ese baine haere henimu, hisihisi dinana ai.Iakob ena Dirava ladana ese baine gimamu.

2 Helaḡa gabuna amo ena hekaha baine siaia vasi;Siona amo goada baine henimu.

3 Emu boubou iboudiai baine lalodia tao;emu ḡole-oho bouboudia baine abi dae. (Selah)

4 Lalomu ena ura baine henimu;emu lalo-hadai iboudiai anidia baine havara.

5 Emu hahemauri baia moalelaia,bona emai Dirava ladana ai emai pepe baia haodaia isi.Iehova ese emu noinoi iboudiai anidia baine havara henimu.

6 Harihari lau name diba, Iehova ese e horoa tauna na baine kahaia;ena gabu helaḡana amo baine haere henia,bona imana idibana amo kwalimu badadia baine henia.

7 Haida ese kariota e heaḡilaidiamu;ma haida ese hosi e heaḡilaidiamu;a ai ese Iehova, emai Dirava, ladana a heaḡilaiamu.

8 Idia na vada e hekwakwanai, vada e keto;a ai na vada a tore isi, vada a gini tore.

9 Iehova e, a hamaurimai!Baia boiboi negana ai, emai Pavapava ese baine haere henimai.