62
1 Bay gu welthin ni nggu pi’ e athamgil nga Jerusalem;dab gu th’ab gulngag nge mada’ ko ngiyal nike thap,ma gel nike tay e ra gal ra’en ni bod ba mol’ nnep’.
2 Jerusalem, pi nam e bay ra guyed e pi gel ni ka mu tay!Gubin e pilung ko pi nam nem ma bay ra guyed fel’ngim.Bay ni pining reb e ngachal ngom nib be’ech,ni ba ngachal ni SOMOL e pi’.
3 Bay mu bod ba te’eliyaw rok SOMOL ni bfel’ ya’an.
4 Dakuriy e ngiyal’ ni yira pining ngachalem ni “Kan n’ag,”fa ni pining fithingan e nam rom ni “Fa En ni le’engiy ni Kan Tharbeg.”Bin ni be’ech e ngachal rom e ba’aray “Got e ba fel’uwan’ fare Pin.”Nam rom e bay ni pining ni “Felfelan’ ko Mabgol Rok,”ni bochan e SOMOL e gab fel’uwan’ma bayi par ni bod nike figirngiy e nam rom.
5 Bod rogon be’ nib pagel ni fek ba rugod ni dawori nang e pumo’on nge le’engiy,Cha’ ni chamiyem e ra figirngiyem.Bod ba pumo’on nma felfelan’ nga le’engin,e aram rogon e Got rom nra felan’ ngom.
6 Jerusalem, daken e pi rungrung rom e kug tay e pi matanag riy;ndab ra th’abed gulungurad nnep’ nge rran.Thingar ra puged wuran ngak SOMOL e tin i michegdab ra paged nge pag talin.
7 Thingar dab ra paged nge toffan nge mada’ ko ngiyal’ nike fulweg yu Jerusalem nga rogonnge ngongliy nge mang ba binaw ni ga’ngin e fayleng nra pining e sorok ngay.
8 I SOMOL e ke micheg nib mich,mu gelngin e ra rin’ riy ni aram rogon:“Grain rom e dabki mang ggan ngak e pi to’ogor rom,ma girdi’ nu bang e bay dab ku ra unumed e wayin rom bi’id.
9 Ya gur ni mu yung e grain mag t’ar wom’nginga ra kay e flowa ma ga pining e magaer ngak SOMOL.Me gur nim yung e grape mu’um kunuye ga ra unum e wayin u lan e yoror ko Tempel rog.”
10 Gimed e girdi’ nu Jerusalem, marod nga wuru’ e binawngam ngongliyed e kanawo’ ni fan ko girdi’ romed ni be sul!Mu falfleged ba kanawo’ nib ga’; magmed chuweg e malang riy!Mi gimed tining e pow riy ngalang ya nge yag ni nge nang e pi nam.
11 I SOMOL e be weliy ko fayleng ni ga’ngin ni ngan rung’ag:“Mogned ngak e girdi’ nu Jerusalemni Fare SOMOL e bayib ni nge thapegmed,Me fek e girdi’ nike lagrad ngar uned ngak.”
12 Bay ni piningmed ni “Girdi’ Rok Got Ni Thothup,”“Fapi Girdi’ Nike Ayuwegrad SOMOL.”Jerusalem e bay nog ni “Fare Binaw Nib T’uf Rok Got,”“Fare Binaw Ni de Fek Got Owchen Riy.”