1 Be ga’ar SOMOL,“Mogned, gimed be finey ma gu n’agmed e girdi’ rogni bod be’ ni n’ag le’engin?Ere bu uw babyoren e machuw?Gimed be finey ma gu pi’med nchuway’ ngam kalbusgadni bod be’ nib mo’on ni pi’ pifak nchuway’ ngar manged sib?Danga’, ni fekmed nga reb e nam ngan kalbus nagmed ni bochan e denen romed;ni fekmed ngam marod ni bochan e kireb romed.

2 “Mang ni de sap e girdi’ rog ngognnap’an ni gu wan ni nggu aywegrad?Mang ni gu piningrad ma dar fulweged lungug?Gur kayiggu waer ni nggu ayuwegrad?Ta’abbug e thin e gu ra yog me mlik’ e regurme pig e yupa’ i lul’ nge bod daken e ted nib fengfeng;nig ni bay riy e ra yim’ ya dakriy e ran riy.

3 Rayag ni gu gagiyegnag lanelang nge lumor,ni gowa ke kireban’ ngak be’ nike yim’.”

Fol ni tay fare tapigpig rok SOMOL

4 SOMOL ni Th’abi Tolang e fil ngog e n’en nggog,ya nge yag ni gu pi’ e athamgil nga laniyan’ e pi’in ke mulan’rad.Gubin e kadbul nma pasignag lanin’ugni nggu motoyil ko n’en ni nge fil ngog.

5 SOMOL e ke tamilangnag an’ug,ma dawor gu togopluw ngakara gu pi’ keru’ug ngak.

6 Kug pi’ keru’ug ni ngan toy,ma da gu taleg e pi’in nra moning nigedgagko fa ngiyal’nem nra bup’iyed sorbegmiyad thuw nga owcheg.

7 Machane moning ni yad be tay ngog e dariy ban’en nra rin’ ngog,ya SOMOL ni Th’abi Tolang e be pi’ e ayuw ngog.Kug athamgil,ya gu manang ndabiyag ni nge yan i aw ndariy fag,

8 ya Got e ba chugur ngog,me ir e bayi micheg ni bfel’ e rog.Gur bay be’ nra math’ loran rok ni nge yog ban’en nib kireb ni kug rin’?Ere ngani pagmow nggu warow nga tafen e puf oloboch!Mi ni pag nge weliy e kireb ni gomanga kug rin’!

9 SOMOL ni Th’abi Tolang e ir e be n’ufegeg,ere mini’ e rayag rok ni nge micheg nib kireb e rog?Urngin e pi’in yad be non nib togopluw ngog e bay ranod ngabang;bay ra m’aygad ngabang ni bod ba mad nike longuy e ngael!

10 Gimed gubin e pi’in gimed ma liyor ngak SOMOLma gimed ma fol ko pi tapigpig rok,e kanawo’ ni gimed ma yan riy e gomange ba lumor,machane SOMOL e nge pagan’med ngak, mi gimed toer ko Got romed.

11 Gimed gubin e pi’in gimed ma makathnag ni ngam kireb niged boch e girdi’e gimed e gimed ra gafgow ko pi makath romed.I SOMOL e ir e ra gagiyegnag nge yodro’;gimed ra gafgow ngarim bilged t’ay e gafgow.