Ba tangin e sorok

1 SOMOL, I gur e Got rog;Bay ug liyor ngom mu gu mathangeluwolnag fithingam.Kam ngongliy bogi maang’ang;ri ga ba yul’yul’ u rogon ni ga be rin’e pin’en ni ka mu tanomnag kakrom.

2 Ka mu gathay fapi binawma ka mu buthug e pi yoror rorad nib gel ni fan ko mael.Fapi tafen e pilung ni toy e pi to’ogor romade kan thirif u but.

3 Girdi’en e pi nam nib gel gelngin e bay ur pininged e sorok ngom;gur e bay un rus ngom u lan e pi binaw ko fapi nam nib kireb e leam rorad.

4 Pi’in gafgow nge pi’in dariy ban’en nrayag rorad e ra milgad ngommade buch ban’en rorad ko ngiyal’ e gafgow.Gur e ga ma pi’ e gin ngar gifgad ngay ko yoko’nge taglul’ ni nge aywegrad u nifiyen e gowal.Pi to’ogor nib kireb e yad ma cham ni bod e yoko’ u nap’an e ayis.

5 ni bod e fangin e yal’ u bang nib fengfeng.Machane gur, SOMOL, e ka mu th’ab gulngan e pi to’ogor romad;kam mocho’nag e pi tolul rok e pi’in kireb e leam rorad,ni bod e taglul’ ko manileng ni tagarbebnag reb e rran nib gawal.

Got e fel’eg rogon ba mur

6 U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

7 Mu roy e bayi chuweg riy e kireban’ nib tomgin ni bod e manileng nike gapopow nga daken gubin e nam.

8 Ma SOMOL ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’, me girdi’ rok ni yad ba yath u wan’ e fayleng ni ga’ngin ni ur gafgowgad riy e bayi museg. I SOMOL, e ir e be yog e pi thin ney.

9 Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”

Got ni bayi gechignag yu Moab

10 I SOMOL e bayi yororiy e Burey ni Zion, machane girdi’ nu Moab e bay notrad nga but’ ni bod rogon e pan ni kanot nga fithik’ i t’ay e gamanman.

11 Bay ra k’iyaged pa’rad ni gowa ngar nonggad, machane Got e ra sobut’egrad, me ligil pa’rad nga’ar nike m’ay gelngin.

12 Bayi buthug e pi yoror rok yu Moab nga but’ nib gel ni fan ko mael nib mu’un e yungi rungrung riy ngay nib totolang nge aw nga but’ nga fithik’ e ab.