¶ 1 BEA nae ha mai a Jihova kiate ia i he fonua o Mamili, i he ene nofo i he mataba oe fale fehikitaki i he bubuha oe aho.

2 Bea haga hake eia hono mata o jio, bea vakai, oku tutuu mai ae tagata e toko tolu kiate ia: bea i he ene mamata ki ai, naa ne lele mei he mataba oe fale fehikitaki, ke fakafetaulaki kiate kinautolu, bea nae bunou hifo ia ki he kelekele,

3 O ne behe, Ko hoku Eiki, koeni, kabau kuou ma‘u ae lelei i ho ao, ofa ke oua naa ke alu mei hoo tamaioeiki.

4 Tuku ke omi ha vai jii, bea fufulu ho mou va‘e, bea mou mālōlō i he lolo akau.

5 Bea teu omi ha koga ma, bea fakafiemalie ho mou loto; bea hili ia te mou alu; he koia kuo mou ha‘u ai ki hoo mou tamaioeiki. Bea naa nau behe, Ke ke fai o hage ko hoo lea.

6 Bea alu fakatootoo a Ebalahame ki he fale, kia Sela o ne behe, Teuteu fakavave ae fua e tolu oe mahoaa lelei o natu ia, o gaohi aki ae gaahi foi ma, bea ta‘o ia i he gotoumu.

7 Bea lele a Ebalahame ki he faga manu, o ne too mei ai ae uhiki bulu molu mo lelei, o ne atu ia ki ha talavou; bea naa ne fakatootoo a hono gaohi.

8 Bea ne too mai ae bota, moe huahuhu, bea moe uhiki bulu naa ne gaohi, o ne tuku ia i ho nau ao; bea tuu ia o ofi kiate kinautolu i he lolo akau, bea naa nau kai.

¶ 9 Bea nau behe kiate ia, Koefe a Sela, ko ho unoho? bea beheage eia, Vakai, oku i he fale fehikitaki ia.

10 Bea ne behe, Koe mooni teu toe ha‘u kiate koe, i he kuoga totonu; bea vakai, e ma‘u e ho unoho ko Sela, ha tama. Bea nae ogo‘i e Sela i he mataba oe fale fehikitaki, aia nae i hono tua.

11 Bea nae motua e Ebalahame mo Sela, bea nae lahi ho na ta‘u: nae ikai kei ia Sela ae aga oe fefine.

12 Koia nae katakata loto ai a Sela, o behe, He koe mooni, teu nekeneka au, ka kuou motua, bea kuo motua mo eku eiki foki?

13 Bea folofola a Jihova kia Ebalahame, o behe, Koeha nae kata ai a Sela, o behe, Koe mooni koa teu fanau‘i ha tama e au ka kuou motua?

14 He oku ai ha mea e taha oku faigataa kia Jihova? I he kuoga kuo kotofa teu toe ha‘u kiate koe, bea e ma‘u e ho unoho ko Sela ae tama.

15 Bea fakafiji a Sela o behe, Nae ikai teu kata; he naa ne manavahe. Bea ne behe, Ikai, ka naa ke kata be.

¶ 16 Bea tuu hake ae kau tagata mei ai, bea haga atu ki Sotoma, bea alu a Ebalahame mo kinautolu, ke moimoi‘i akinautolu i he hala.

17 Bea behe e Jihova, He teu fufu mei a Ebalahame ae mea teu fai?

18 He koe mooni e hoko a Ebalahame koe buleaga lahi mo malohi aubito, bea e monuia iate ia ae gaahi buleaga kotoabe o mamani.

19 He oku ou ilo‘i ia, te ne fekau ene fānau mo hono kau nofoaga kotoabe tuku fakaholo, bea te nau alu i he hala o Jihova, ke fai ae agatonu, moe fakamāu: koeuhi ke fakahoko e Jihova kia Ebalahame, aia kotoabe kuo ne lea aki kiate ia.

20 Bea behe e Jihova, Koeuhi kuo lahi ae tagi a Sotoma mo Komola, bea kuo hoko o kovi aubito e nau agahala;

21 Koia teu alu hifo ni, o mamata, be kuo nau fai kotoabe, o hage koe tagi o ia, aia kuo a‘u mai kiate au: bea kabau e ikai, bea teu ilo.

22 Bea nae haga atu mei ai ae mata oe ogo tagata ke na alu atu ki Sotoma: ka nae kei tuu be a Ebalahame i he ao o Jihova.

¶ 23 Bea unuunu atu ke ofi a Ebalahame, o ne behe, Bea te ke fakaauha fakataha ae agatonu moe agahala?

24 Naa oku i he kolo ae agatonu e toko nimagofulu: bea te ke fakaauha foki, ka e ikai fakamoui ae botu, koeuhi koe agatonu e toko nimagofulu oku i ai?

25 Ke mamao iate koe ha fai behe, ke tamate‘i ae agatonu fakataha moe agahala, bea ke fakatatau ae agatonu ki he agahala, ke mamao ia iate koe: ikai e fai totonu ae Fakamāu o mamani kotoabe?

26 Bea behe e Jihova, Kabau teu ilo i Sotoma ae agatonu e toko nimagofulu, teu fakamoui ae botu kotoabe koeuhi ko kinautolu.

27 Bea lea a Ebalahame o ne behe, Vakai, koeni kuou lea au kia Jihova, ka koe efu, moe efuefu be au:

28 Bea kabau e ikai i ai ae toko nima i he toko nimagofulu oku agatonu: bea te ke fakaauha ae kolo kotoabe, koeuhi koe toko nima? Bea behe eia, kabau teu ilo i ai ae toko fagofulu ma toko nima, e ikai teu fakaauha ia.

29 Bea ne toe lea kiate ia, o behe, Bea kabau e ilo i ai ae toko fagofulu. Bea behe eia, E ikai teu fai ia, koeuhi koe toko fagofulu koia.

30 Bea behe eia kiate ia, Ofa ke oua naa houhau a Jihova, bea teu lea: Kabau e ilo i ai ae toko tolugofulu. Bea beheage eia, E ikai teu fai ia, o kabau teu ilo i ai ae toko tolugofulu.

31 Bea behe eia, Vakai, kuou lea ni kia Jihova: Kabau e ilo i ai ae toko uofulu. Bea behe eia, E ikai teu fakaauha ia koeuhi koe toko uofulu koia.

32 Bea behe eia, Ofa ke oua naa houhau a Jihova, bea teu lea ni o tatuo taha be; Kabau e ilo i ai ae toko hogofulu. Bea behe eia, E ikai teu fakaauha ia, koeuhi koe toko hogofulu koia.

33 Bea haele atu ai a Jihova i hono hala, hili e na alea mo Ebalahame; bea liu mai a Ebalahame ki hono botu.