¶ 1 KOHAI oku hage koe tagata boto? bea kohai oku ne ilo ae fakamatala o ha mea? koe mea i he boto oku malama mai ae mata oe tagata, bea e liliu ai ae malohi a hono mata.

2 Oku ou eginaki‘i koe ke ke fai ki he fekau ae tu‘i, bea ke fai ia koeuhi koe fuakava ae Otua.

3 Oua naa alu atu fakavave i hono ao: oua naa ke kau i ha mea kovi; he oku fai eia a ene faiteliha.

4 Koe mea oku lea ki ai ae tu‘i oku i ai ae malohi: bea kohai e faa behe kiate ia, Koeha oku ke fai?

5 Ko ia oku fai ki he fekau e ikai ilo eia ha kovi: bea oku ilo‘i e he loto oe boto ae aho tuutuumalie bea moe fakamāu.

¶ 6 Koeuhi oku ai ae aho moe fakamāu oe gaue kotoabe, koia oku mamafa ai ae kovi ae tagata kiate ia.

7 He oku ikai te ne ilo ae mea e hoko: bea kohai oku faa tala kiate ia be e hoko afe?

8 Oku ikai ha tagata oku ma‘u ae malohi ki he laumalie ke ne taofi mau ki he laumalie; bea oku ikai iate ia ha malohi i he aho oe mate: bea oku ikai ha tukuage mei he tau koia; bea e ikai fakahaofi e he kovi akinautolu kuo nau maheni ai.

9 Koe mea ni kotoabe kuou mamata ki ai, beau tuku hoku loto ki he gaue kotoabe oku fai i he lalo laa: oku ai ae aho oku bule ae tagata e toko taha ki he toko taha ka e kovi ai ia.

¶ 10 Bea naaku mamata foki ki he tanu oe agahala, aia nae faa alu mo ha‘u mei he botu oe maonioni, bea nae galo akinautolu i he kolo naa nau fai behe ai: koe vaiga foki eni.

11 Koeuhi oku ikai fakatootoo ae fai oe tautea ki he gaue kovi, koia oku tuku bau ai ae loto oe fānau ae tagata ke fai kovi.

12 Ka ne ogo ae fai ke liuga teau ae kovi ae agahala, bea fakatologa hono aho, ka oku ou ilo mooni e hoko ae lelei kiate kinautolu oku manavahe ki he Otua, akinautolu oku manavahe i hono ao.

13 Ka e ikai ha lelei ki he agahala, bea e ikai tologa mau ai be hono gaahi aho, he koe ata ia: koeuhi oku ikai te ne manavahe i he ao oe Otua.

14 Oku ai ae vaiga oku fai i he mamani: aeni, oku ai ae kakai agatonu, oku hoko ae mea kiate kinautolu o fakatatau ki he gaue ae agahala; bea behe, oku ai ae kakai agahala, oku hoko kiate kinautolu o fakatatau ki he gaue ae maonioni: bea naaku behe, koe vaiga foki eni.

15 Bea naaku toki fakamalo ki he fakafiemalie, koeuhi oku ikai ha mea oku lelei hake ki he tagata i he lalo laa, ka ko ene kai, mo inu, mo fakafiefia: he koia e nofo mau mo ia i he ene gaue i he aho kotoabe o ene moui, aia oku foaki e he Otua kiate ia i he lalo laa.

¶ 16 I he eku tuku hoku loto ke ilo ae boto, bea mamata ki he gaue kotoabe oku fai i he mamani: (he oku ai aia oku ikai jio hono mata ki he mohe i he aho be i he bo:)

17 Bea naaku mamata ki he gaue kotoabe ae Otua, oku ikai faa ilo‘i e he tagata ae gaue oku fai i he lalo laa: he ne ogo ae fai feiga hono kumi e he tagata, e ikai te ne ilo ia; koeni foki; naa moe tagata boto oku mahalo te ne ilo‘i, e ikai faa ma‘u ia eia.