¶ 1 LI atu hoo ma ki he fukahi vai: he ka hili ae gaahi aho lahi te ke toe ilo ia.

2 Tufa ae inaji ki he toko fitu, bea ki he toko valu foki; he oku ikai te ke ilo ae kovi e hoko ki he mamani.

3 Oka bito ae gaahi ao i he uha, oku fakamaha ia ki he kelekele: bea kabau e higa ha akau ki he feituutoga be ki he tokelau, koe botu oku higa ki ai ae akau, e i ai be ia.

4 Ko ia oku faa jio ki he matagi e ikai te ne tūtū‘i; bea ko ia oku faa tokaga ki he gaahi ao e ikai e ne utu mai.

5 O hage ko hoo tae ilo ki he aga oe laumalie, moe tubu oe hui i he manāva oona oku feitama: oku behe, oku ikai te ke ilo ae gaue ae Otua aia oku ne gaohi ae mea kotoabe.

6 Tūtū‘i hoo tega i he bogibogi, bea i he efiafi oua naa taofi ho nima: he oku ikai te ke ilo be koefe e tubu lelei, a eni be ko ena, be te na lelei fakatouoji be.

¶ 7 Koe mooni, koe mea lelei fau ae māma, bea koe mea fakafiefia ke jio ae mata ki he laa:

8 Ka koeni, kabau e moui ha tagata i he gaahi ta‘u lahi, o ne fiefia i ai kotoabe; ka oku lelei ke ne manatu foki ki he gaahi aho oe fakabouli; koeuhi e lahi ia. Koe mea kotoabe oku hoko mai koe vaiga ia.

¶ 9 E tagata talavou, ke ke fiefia i hoo kei talavou, bea ke fakafiefia‘i ho loto i he gaahi aho o hoo kei talavou, bea ke eveeva i he aga o ho loto, bea i he holi a ho mata oou: ka ke ilo, koe gaahi mea ni kotoabe e omi ai koe e he Otua ki he fakamāu.

10 Koia ke ke hiki ai ae ita mei ho loto, moe fai kovi mei ho kakano: he koe kei tamajii moe kei talavou koe vaiga ia.