¶ 1 OKU fakanamuku e he lago kuo mate ae mea namu lelei ae tagata faitoo: bea oku behe ae vale jii o ha taha oku ogoogoa a ene boto mo ene agatonu.

2 Koe loto oe tagata boto oku i hono nima toomatau; ka oku i hono toohema ae loto oe vale.

3 Io, koe mooni, oka eveeva ae vale i he hala kuo mole hono loto, bea oku ne tala ki he kakai kotoabe koe vale be ia.

4 Kabau e tubutamaki ae loto oe bule kiate koe, oua naa ke hiki mei hoo gaue; he oku fakamolemole ae kovi lahi e he tali agavaivai.

5 Oku ai ae kovi kuou mamata ki ai i he lalo laa, koe fai hala oe bule:

6 Kuo hakeaki‘i ae vale ke maoluga, bea nofo ae koloaia i he botu māulalo.

7 Kuou mamata ki he heka hose ae kau tamaioeiki, kae eveeva i he fuga kelekele ae fānau ae tu‘i o hage ha kau tamaioeiki.

8 Koia oku keli ae luo e to ia ki ai: bea koia oku maumau‘i ae a, e uu ia e he gata fekai.

9 Ko ia oku hiki ae gaahi maka e lavea ai ia; bea ko ia oku ta akau e tuutamaki ai.

10 Kabau oku beku ae toki, bea ikai fakaalo, oku tononu ke ne ai aki ia ae malohi lahi; ka oku aoga ae boto ke fakahinohino.

11 Koe mooni e uu ae gata oka ikai fakalalata; bea oku tatau mo ia ae tagata faa lea.

12 Oku lelei ae lea mei he gutu oe tagata boto; ka e fakaauha ae vale e hono lougutu oona.

13 Koe kamataaga oe lea a hono gutu koe vale ia; bea koe ikuaga o ene lea koe bauu moe faha.

14 Oku fonu foki ae vale i he lea: oku ikai faa fakaha mai e ha tagata ae mea e hoko; bea koe mea e hoko i he hili a ene moui ni, kohai ha taha e faa tala ia kiate ia?

15 Oku ogojia ae vale taki taha kotoabe i he ene gaue, koeuhi oku ikai te ne ilo be oku fefe ene alu ki he kolo.

¶ 16 E fonua, e malaia akoe, i he kei tamajii a ho tu‘i, bea keinaga i he kei bogibogi a ho houeiki bule!

17 E fonua, oku ke monuia, o kabau ko ho tu‘i koe foha ia oe houeiki, bea keinaga ho houeiki i he feituulaa totonu, ke nau malohi kae ikai ke kona ai!

¶ 18 Koe mea i he fakabikobiko lahi oku fakaaau ke motua ae fale; bea i he tae gaue ae nima oku tutulu ae fale.

¶ 19 Oku gaohi ae katoaga ke tubu ai ae kata, bea oku fakafiefia e he uaine; ka oku aoga ae baaga ki he mea kotoabe.

¶ 20 Oua naa lea kovi ki he tu‘i, oua aubito naa ke mahalo ki ai; bea oua naa lea kovi ki he koloaia i ho botu mohe: koeuhi e fakaogo atu ho le‘o e he manu buna oe atā, bea e tala ae mea e he manu oku kabakau.