¶ 1 0BEA nae toki behe e Ilaisa Mou fanogo ki he folofola a Jihova; oku behe e Jihova, Feouga nai moe feituulaa ni abogibogi e fakatau ae fuaaga mahoaa lelei e taha ki he sikeli e taha, moe fuaaga e ua oe baale ki he sikeli e taha, i he matani kolo o Samelia.

2 Bea koe eiki koia nae faaki ai ae tu‘i ki hono nima nae tali o beheage ki he tagata oe Otua, Vakai, ka ne gaohi e Jihova ha gaahi katuba i he lagi, e faa fai koa ae mea ni? Bea nae behe eia, Vakai te ke mamata ki ai aki ho mata oou, ka e ikai te ke kai mei ai.

¶ 3 Bea nae nofo ae kau tagata kilia e toko fa i he huaga mataba  oe kolo bea naa nau febeheaki, Koeha oku tau nofo ai be i heni ke tau mate ai?

4 Kabau te tau behe, Ke tau hu atu ki loto kolo, oku i he kolo ae hoge, bea te tau mate ai; bea kabau te tau nofo ai be i heni, te tau mate foki. Koia ke tau o mo hokoage ki he kau tau mei Silia: kabau te nau fakamoui akitautolu, behe te tau moui; bea kabau te nau tamate‘i akitautolu, te tau mate be.

5 Koia naa nau tuu hake i he kei fakaboubouli ke alu ki he abitaga oe kakai Silia; bea i he e nau hokoage ki he gataaga aubito oe abitaga oe kakai Silia, vakai nae ikai ha toko taha i ai.

6 He nae mea e Jihova ke fanogo e he kakai Silia ki he batū oe gaahi jaliote, moe logoaa oe gaahi faga hose, io ki he batū mai oe fuu kau tau toko lahi: bea naa nau febeheaki, Vakai kuo biutau e he tu‘i o Isileli mei he gaahi tu‘i oe kakai Heti, moe gaahi tu‘i o Ijibite ke ha‘u o tau‘i akitautolu.

7 Bea koia naa nau tutuu hake ai o hola i he ene kei fakaboubouli, mo nau jiaki ho nau gaahi fale fehikitaki, moe nau faga hose, moe nau faga asi, io ae abitaga kotoa moia nae i ai, ka nau hola ke nau moui.

8 Bea i he hoko atu ae kau kilia ni ki he gataaga aubito oe abitaga, naa nau hu atu ki he fale fehikitaki e taha, o nau kai mo inu, mo nau ave mei ai ae siliva, moe koula, moe gaahi kofu, mo nau alu o fufu ia; mo nau toe ha‘u o hu ki he fale fehikitaki e taha, o fetuku foki mei ai, mo nau alu o fufu ia.

9 Hili ia naa nau febeheaki, Oku ikai lelei ae mea oku tau fai: koe aho eni koe aho oe ogoogolelei, ka oku tau fakalogo be: kabau te tau tatali kae oua ke aho, e hoko ha kovi kiate kitautolu: koia mou omi, koeuhi ke tau alu o fakaha eni ki he kaugafale oe tu‘i.

10 Koia naa nau ha‘u mo nau ui ki he tagata leo oe kolo: bea naa nau tala kiate kinautolu o behe, Naa mau hokoage ki he abitaga oe kakai Silia, bea vakai, nae ikai ha toko taha i ai, bea nae ikai ogo ai ae le‘o o ha tagata, ka nae nootaki ae faga hose, moe faga asi nae nootaki, moe gaahi fale fehikitaki o hage be koe nau tuu.

11 Bea naa ne ui eia ki he kau leo; bea naa nau fakaha ia ki he kaugafale oe tu‘i i loto fale.

¶ 12 Bea nae tuu hake ae tu‘i i he kei bouli, o ne behe ki he ene kau tamaioeiki, Teu fakaha eni kiate kimoutolu ae mea kuo fai e he kakai Silia kiate kitautolu. Oku nau ilo e tau fiekaia; koia kuo nau alu atu mei he abitaga ke malumu i he vao, o behe, Oka nau ka hu mai mei he kolo, te tau buke moui akinautolu, mo hu atu ai ki he kolo.

13 Bea nae beheage e ha toko taha o ene kau tamaioeiki, Oku ou kole ke ke tuku ke too e ha niihi ae faga hose e nima oku toe, aia oku kei toe i he kolo, (vakai, oku nau tatau be moe toko lahi o Isileli aia oku kei toe i ai: vakai, oku nau hage be koe toko lahi o Isileli aia kuo fakaauaujino:) bea ke tau fekau atu o mamata.

14 Koia naa nau too ai ae ogo hose toho jaliote e ua; bea nae fekau atu e he tu‘i ki he kau tau o Silia, o ne behe, Alu o vakai.

15 Bea naa nau muimui kiate kinautolu o a‘u atu ki Joatani: bea vakai, nae felefele‘i i he hala ae gaahi kofu moe gaahi ibu, aia nae liaki e he kakai Silia i he e nau hola fakavavevave. Bea nae liliu mai ae kau talafekau, mo nau fakaha ia ki he tu‘i.

16 Bea nae alu atu ae kakai, mo nau veteki ae gaahi fale fehikitaki oe kakai Silia. Bea behe, nae fakatau ae fuaaga e taha oe mahoaa lelei aki ae sikeli e taha, moe fuaaga baale e ua aki ae sikeli e taha, o hage koe folofola a Jihova.

¶ 17 Bea nae fekau e he tu‘i ki he eiki aia naa ne faaki ki hono nima ke aana ae leohi oe mataba: bea nae malamalaki ia e he kakai i he mataba, bea naa ne mate, o hage koia nae fakaha e he tagata oe Otua, aia nae lea kiate ia i he ene alu hifo ae tu‘i ki ai.

18 Bea nae hoko ia o hage koia nae lea aki e he tagata oe Otua ki he tu‘i, o behe, Koe fuaaga e ua oe baale ki he sikeli e taha, moe fuaaga e taha oe mahoaa lelei ki he sikeli e taha, e  fakatau abogibogi o feouga nai moe feituulaa ni i he mataba o Samelia:

19 Bea nae beheage e he eiki koia ki he tagata oe Otua, Vakai mai, kabau e gaohi e Jihova ha gaahi katuba i he lagi, e mafai ai ha mea behe? Bea naa ne behe eia, Vakai, te ke jio ki ai aki ho mata, ka e ikai te ke kai mei ai.

20 Bea nae behe be ae mea nae hoko kiate ia: he nae malamalaki ia e he kakai i he mataba, bea naa ne mate.