¶ 1 BEA i he fanogo ki ai e Hesekaia, naa ne haehae hono kofu, bea kofu aki ae tauagaa, bea hu ia ki he fale o Jihova.

2 Bea nae fekau eia a Iliakimi, aia nae bule ki he fale, mo Sebina koe tagata tohi, moe kau mātua oe kau taulaeiki, kuo kofu aki ae tauagaa kia Isaia koe balofita koe foha o Amosi.

3 Bea naa nau behe kiate ia, Oku behe e Hesekaia, Koe aho ni koe aho oe mamahi, moe tautea, moe kabe: he kuo ha‘u ae fānau ki he faele, bea oku ikai ha malohi ke faele‘i.

4 Hei ilo e lelei kia Jihova ko ho Otua ke ogo‘i ae gaahi lea kotoabe a Labisake, aia kuo fekau e he ene eiki koe tu‘i o Asilia ke manuki‘i ae Otua moui: bea ke ne valoki ae gaahi lea aia kuo ogo‘i e Jihova ko ho Otua: koia ke ke hiki hake hoo lotu koeuhi koe kakai oku toe.

5 Koia nae ha‘u ai ae kau tamaioeiki a Hesekaia kia Isaia.

¶ 6 Bea nae behe e Isaia kiate kinautolu, Te mou tala behe ki hoo mou eiki, Oku behe mai a Jihova, Oua naa ke manavahe ki he gaahi lea kuo ke ogo‘i, aia kuo kabe aki kiate au e he kau tamaioeiki ae tu‘i o Asilia.

7 Vakai, Teu tuku atu kiate ia ha tuoni matagi, bea te ne ogo‘i ha ogoogo, bea e toe alu ia ki hono fonua; bea teu bule ke to ia i he heleta i hono fonua oona.

¶ 8 Koia, nae toe alu a Labisake, o ne hoko ki he tu‘i o Asilia lolotoga a ene tau‘i a Libina: he nae fanogo eia kuo alu ia mei Lakisi.

9 Bea i he ene ogo‘i ae ogoogo kia Tilaka koe tu‘i o Itiobea, Vakai, kuo ha‘u kituaa ia ke tau‘i koe; nae toe fekau eia ene kau talafekau kia Hesekaia, o behe,

10 Te mou lea kia Hesekaia koe tu‘i o Juta, o behe, Oua naa tuku ke kākā‘i koe e ho Otua aia oku ke falala ki ai, o behe, E ikai tukuage a Jelusalema ki he nima oe tu‘i o Asilia.

11 Vakai, kuo ke fanogo ki he mea kuo fai e he gaahi tu‘i o Asilia ki he fonua kotoabe, i he fakaauha aubito akinautolu: bea te ke hao koe?

12 He nae fakamoui e he gaahi otua oe gaahi buleaga akinautolu nae fakaauha e he eku gaahi tamai: ko Kosani, mo Halani, mo Lesefi, moe gaahi fānau a Iteni aia nae i Tilasa?

13 Kofaaia ae tu‘i o Hemati, moe tu‘i o Aabati, moe tu‘i oe kolo ko Sifaveimi, o Hena, mo Iva?

14 Bea nae ma‘u e Hesekaia ae tohi i he nima ae kau fekau o ne lau ia: bea nae alu hake a Hesekaia ki he fale o Jihova, bea naa ne folahi ia i he ao o Jihova.

15 Bea nae lotu a Hesekaia I he ao o Jihova, o behe, E Jihova koe Otua o Isileli, oku ke afio i he vahaa oe ogo jelubi, ko koe koe Otua, io akoe be, i he gaahi buleaga o mamani; kuo ke fakatubu ekoe ae lagi mo mamani.

16 E Jihova, bunou hifo ho fofoga, bea ke fakafanogo: e Jihova fakaa ho fofoga, bea ke afio‘i: bea ogo‘i ae gaahi lea a Senakalibe, aia kuo ne fekau mai ia ke lea kovi ai ki he Otua moui.

17 Koe mooni, e Jihova, kuo fakaauha e he gaahi tu‘i o Asilia ae gaahi buleaga mo ho nau gaahi fonua.

18 Bea kuo nau li ho nau gaahi otua ki he afi: he nae ikai koe otua akinautolu, ka koe gaue ae nima oe tagata, koe akau moe maka: koia kuo nau fakaauha ai akinautolu.

19 Bea koeni, E Jihova ko ho mau Otua, Oku ou kole kiate koe, ke ke fakamoui akimautolu mei hono nima, koeuhi ke ilo e he buleaga kotoabe o mamani, ko koe ko Jihova koe Otua, io ko koe be.

¶ 20 Bea nae toki fekau ai e Isaia koe foha o Amosi kia Hesekaia o behe, Oku behe e Jihova koe Otua o Isileli, Koia kuo ke lotu ai kiate au kia Senakalibe koe tu‘i o Asilia kuou ogo‘i.

21 Bea koe lea eni aia kuo folofola aki e Jihova kiate ia: Koe tāuboou koe taahine a Saione oku ne manuki‘i koe, bea katakata luma‘i koe; kuo kalokalo e he taahine o Jelusalema a hono ulu kiate koe.

22 Kohai ia naa ke manuki‘i mo kabekabe ki ai? bea naa ke hiki ho le‘o bea tagaki hake ho mata ki oluga ki ahai? io, ki he  Toko Taha Maonioni o Isileli.

23 I hoo kau talafekau kuo ke manuki‘i a Jihova, mo ke behe, Kuou hoko aki eku gaahi jaliote ki he maoluga o hono gaahi mouga, ki he gaahi tafaaki o Lebanoni, bea teu ta ke higa ae gaahi sita loloa oia, moe gaahi akau matamata lelei oia koe baini: bea teu hu ki he gaahi fale nofoaga oia, bea ki he vaoakau o hono Kameli.

24 Kuou keli beau inu ae gaahi vai kehe, bea kuou fakamomoa aki hoku aofi va‘e ae gaahi vaitafe oe gaahi botu nae kabui aki ae tau.

25 Nae ikai te ke fanogo talu mei mua, Ko au naaku fai ia, bea talu mei mua naaku fakafuofua ia? bea koeni kuou iakahoko ia, koeuhi ke ke fakalala ae gaahi kolotau bea gaohi ia koe gaahi botu gaogao be.

26 Koia nae jii ai ae malohi o ho nau kakai, naa nau lilika ai mo bubutuu; naa nau tatau moe mohuku oe goue, bea hage koe akau mata, o hage koe mohuku i he gaahi tua fale, bea hage koe uite kuo mahunu i he teeki tubu hake.

27 Ka oku ou ilo ho nofoaga, mo ho fehufaki ki loto mo tua, mo hoo lili kiate au.

28 Koe mea i he ene hoko hake a hoo lili mo hoo maveuveu ki hoku teliga, koia teu ai ai a eku mātau ki ho ihu, mo eku mea taofi ki ho lougutu, bea teu fakatafoki koe i he hala aia naa ke ha‘u ai.

29 Bea koe fakailoga eni kiate koe, Te mou kai i he ta‘u ni ae gaahi mea e tubu vao be, bea i hono tolu oe ta‘u, mou tutu‘i, bea tuuji, bea to goue vaine, bea kai hono gaahi fua oia.

30 Bea koe toega kakai kuo hao i he fale o Juta e toe aka ia o alu hifo, bea tubu ai ae fua i oluga.

31 Koeuhi e alu atu mei Jelusalema ha toega kakai, mo kinautolu e hao mei he mouga ko Saione: koe feiga a Jihova oe gaahi toko lahi te ne feia ae mea ni.

32 Koia, oku folofola behe a Jihova ki he tu‘i o Asilia, E ikai hu ia ki he kolo ni, be fana ki ai ha gahau e taha, be hoko mai ki ai aki ae ba, be te ne tanu buke ki ai.

33 Oku behe e Jihova, i he hala koia naa ne ha‘u ai, koia ia te ne toe alu ai, bea e ikai hu ia ki he kolo ni.

34 He teu malu‘i ae kolo ni, ke fakamoui ia, koeuhi ko au, bea koeuhi ko eku tamaioeiki ko Tevita.

¶ 35 Bea i he hokojia ae bo ko ia, nae alu atu ae agelo a Jihova, o ne ta‘i i he abitaga ae kakai Asilia, koe toko taha kilu moe toko valu mano, moe toko nima afe: bea i he e nau tuu hegihegi hake i he abogibogi, iloage koe kakai mate akinautolu kotoabe.

36 Koia nae alu ai a Senakalibe, bea alu ia o liliu o nofo i Ninive.

37 Bea i he ene lotu i he fale o Nisiloki ko hono otua, nae ta‘i ia e Atalameleki mo Salesa, ko hono ogo foha, aki ae heleta: bea naa na hola ki he fonua ko Aminia. Bea nae fetogi ia i he bule e Esa‐hatoni ko hono foha.